Abrir menú principal
Envista de Torralbiella en un sector de Campo Romanos a lo sud de sierra Modorra.

Campo Romanos ye una comarca natural d'Aragón, d'alto u baixo plana a bells 900-1000 m d'altaria[1] situada entre sierra Modorra a lo norte, sierra d'el Peco y sierra de Cucalón a l'este, sierra Pelarda a lo sud, y lo cabo de la plataforma, que huega con la val de Xiloca. Actualment ye dividida entre las comarcas oficials de Campo de Daroca[1] y de Xiloca.

Bi ha 18 lugars muito cerca entre ellos: Anento, Nombrevilla, Badúls, Cucalón, Lanzuela, Mainar, Langa, Torralbiella, Villafermosa, Villa-reyal de la Uerba, Villadolz, Romanos, Fuent Buena, Retascón, Lechón, Cucalón y Ferreruela.

Consiste en un part d'una antiga cuenca sedimentaria que se plenó con materials d'edat terciaria[2], fendo part de la depresión de Calatayú y Mont-albán. La sedimentación remató en lo Mioceno, edat de las calsineras de lo suyo cabalto.

Por Campo Romanos pasaba una important calzada romana y actualment l'Autovía Mudéchar, que tien en Campo Romanos la Estación de Servicio de Venta del Cuerno, aproveitando lo puesto d'una antiga venda de camín.

La patrona de Campo Romanos yera Nuestra Sinyora d'el Rosario, en uns quantos lugars d'esta comarca se celebraba la suya fiesta lo 6 u 7 de chunio.

ReferenciasEditar

  1. 1,0 1,1 (es) Eduardo Viñuales Cobos: Red Natural de Aragón. Campo de Daroca nº 24, 2008. p 12.
  2. (es) Eduardo Viñuales Cobos (coordinador): Red natural de Aragón. nº 18, Jiloca. Prames, 2007. p 17.