Universidat Laboral de Zaragoza
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Universidat Laboral de Zaragoza | |
|---|---|
| Datos chenerals | |
| Tipo | Publica |
| Siglas | |
| Embotada | |
| Lema | ' |
| Establimiento | 15 de noviembre de 1967 |
| Fundador | |
| Localización | |
| Adreza | Poligono Malpica II, 4, 50016 Zaragoza |
| Ciudat | Zaragoza |
| País |  Aragón
|
| Estato | |
| Coordenatas | |
| Atras seus | |
| Campus | |
| Profesors | |
| Estudiants | |
| • Bachillerato | |
| • Pregrau | |
| • Postgrau | |
| • Doctorato | |
| • Atros | |
| Treballadors | |
| Funcionarios | |
| Administrativos | |
| Mascota | |
| Colors | |
| •Academicas | |
| •Esportivas | |
| Administración | |
| Rector | |
| Vicerrector | |
| Canciller | |
| Vicecanciller | |
| President | |
| Director | |
| Degán | |
| Administrador | Ministerio de Empleo y Seguridat Social |
| Afiliacions | |
| Financiamiento | |
A Universidat Laboral de Zaragoza ye un edificio situau en Zaragoza, seu d'ista antiga institución en a ciudat. Fue establida en l'anyo 1967 estando una d'as 21 antigas universidaz laborals d'Espanya. Tien una superficie de 20 hectarias situadas en o poligono industrial de Malpica, a una distancia de 11 kilómetros d'o centro d'a ciudat.
Historia
editarEstablida en 1967, un día dimpués d'a inauguración d'a Universidat Laboral de Uesca, a Universidat Laboral de Zaragoza estió a primera universidat laboral femenina d'o Estau Espanyol[1]. Prencipió a suya actividat dos días antes d'estar enguerada con 1.200 alumnas en as suyas aulas procedents en a suya mayoría d'Aragón, Catalunya y o País Valenciano. En os suyos millors tiempos arribó a tener dica 3.500 alumnos y 300 profesors.
A suya construcción se fació en menos de 7 meses, prencipiando o 13 de marzo de 1967 y rematando o 29 d'octubre d'ixe mesmo anyo, y fue dirichida por l'arquitecto zaragozano Manuel Ambrós Escanellas que contaba con un presupuesto de 257 millons de pecetas. Tamién colabororon o pinto y escultor Javier Clavo y a filla de l'arquitecto, Pilar Ambrós Barrau, qui fació pa o nuevo centro un Via Crucis de cerámica. En 1968, Ambrós ganó o Trofeo Ricardo Magdalena a Edificios Públicos por o suyo treballo en a Universidad Laboral Femenina.
O conchunto s'enampló 1970 con unas obras por valor de 155 millons de pecetas, convertindo-se en un centro mixto. Ya en a decada de 1980 as universidaz laborals se transforon en Centros d'Amostranzas Integradas (en castellano Centros de Enseñanzas Integradas) y pasoron a pender d'o Ministerio d'Educación y Ciencia.
Manimenos dende a 1997[2] as suyas instalacions se troban tancadas dimpués de detectar-se problemas d'aluminosis que afectaban a la estructura d'os porches cubiertos. Actualment ye parcialment emplegada como almadazén por o Gubierno d'Aragón
Instalacions
editarCuan yera en funcionamiento as suyas instalacions feban que estase un d'os centros educativos millor equipaus d'Aragón. Bi heba 3 salons d'actos (tenendo o mas gran dica 1.300 butacas), una residencia de 12 plantas chunto a l'edificio central pa os estudiants foranos con cuasi 2.000 camas, cuantos pabillons d'aulas, cine, capiella, tabierna y apartamentos pa os profesors. Entre as instalacions esportivas se trobaba un pabillón poliesportivo, una piscina cubierta climatizada, un estadio d'atletismo, cuantos campos de fútbol y de baloncesto, pistas de tenis, voleibol y handbol. A suya biblioteca teneba dica 37.000 volumens. A mas a oferta de instalacions se completaba con laboratorios de fisica, quimica, ciencias naturals y idiomas u tallers con maquinaria pa confección industrial entre atros.
Educación impartida
editarEntre a oferta de graus impartius en a Universidat Laboral de Zaragoza destacan:
- Iniciación Profesional Industrial.
- Formación Profesional.
- Delineante (construcción y industrial).
- Química,
- Bachillerato Elemental.
- Bachillerato General Superior.
- Bachillerato Técnico Superior.
- Asistent social.
- Incheniería Tecnica (control de procesos quimicos).
- Confección.
- Machisterio.
Cheodesia
editarBi ha un vértiz cheodesico situau en a terraza de l'edificio mas altero a una altaria de 247 metros dende o livel d'a mar[3].
Referencias
editar- ↑ (es) La Universidad Laboral de Zaragoza cumple 50 años en el olvido. Heraldo de Aragón. 20 de noviembre de 2017
- ↑ (es) La antigua Universidad Laboral cumple 50 años de existencia. El Periódico de Aragón. 26 de noviembre de 2017
- ↑ (es) Fuella d'o vértiz cheodesico
Datos: Q65394319
