Solanum tuberosum

(Reendrezau dende Trunfera)
Trunfa
Trunfas
Trunfas
Dominio: Eukaryota
Reino: Plantae
División: Tracheobionta
Clase: Magnoliopsida
Subclase: Asteridae
Orden: Solanales
Familia: Solanaceae
Chenero: ''Solanum''
Especie: ''tuberosum''
''Solanum tuberosum L.

A trunfa[1] (Solanum tuberosum) ye un tuberclo minchable d'orichen andín, que ha estato un alazet en l'alimentación de muitos pueblos dende o trobo d'America y ye tamién hue en día l'alazet de muitos platos. Iste tuberclo se cautivaba en Perú dende o milenio VIII aC y fue levato a Europa por os espanyols en 1554.

EtimolochíaEditar

As trunfas se clamaban papas en a zona andina a on los espanyols troboron que las se minchaban los indichenas. En castellán se deciba primero papa, pero en castellán d'a Peninsula Iberica se cambió por patata, palabra derivada de l'anglés potato. O canario y lo castellán d'America encara conservan, doncas, la palabra amerindia orichinal.

En bella zona de l'Alto Aragón se'n diz patacas, que reconoixemos como un derivau de l'anglés Potato a traviés d'o castellán Patata, cambiando lo sufixo. En bella zona pirenencas aragonesofablants u catalanofablants se clamó a las patacas con una palabra derivada d'o latín Tuber, que debeba fer referencia u a tuberclos d'o país u a fongos subterranios.

En bella zona como a Val de Chistau s'emplega patata como termin cheneral y trunfa pa la variedat tradicional d'a val, més chicota. En o Viello Sobrarbe se replega trunfa como termin cheneral pero ya anticuau, y se'n conoixe la variant de trunfa chiretuda.

En castellán d'Aragón tamién ye conoixiu l'uso de derivaus de Tuber, José Pardo Sastrón testimonia turmas u trubas en Torrociella d'Alcanyiz pa una especie de composadas que fa tuberclos, Helianthus tuberosus debant d'a denominación tradicional de Solanum tuberosum de Patacas.

ReferenciasEditar

  1. (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.50

Vinclos externosEditar