The Eagle Has Landed (cinta)
- Iste articlo ye sobre una cinta britanica de cine belico de 1976; ta atros usos, se veiga The Eagle Has Landed.
.svg){kind=small}
The Eagle Has Landed (títol orichinal en anglés, en aragonés L'aliga ha aterrizau, enguerada en Aragón con o títol en castellano de Ha llegado el águila, en aragonés Ha plegau l'aliga) ye una cinta de cine belico de cine britanico enguerada l'anyo 1976, dirichida por John Sturges seguntes un guión adaptau por Tom Mankiewicz (basau en a novela The Eagle Has Landed, publicada por Jack Higgins l'anyo 1975), con una banda sonora orichinal de Lalo Schifrin, una dirección de fotografía de Anthony B. Richmond y una producción cinematografica de David Niven Jr. y Jack Wiener ta la productora cinematografica ITC Entertainment. Fan parte de l'elenco d'a cinta, en os suyos papels principals, os actors Michael Caine, Donald Sutherland, Robert Duvall, Jenny Agutter, Donald Pleasence, Anthony Quayle, Jean Marsh, Sven-Bertil Taube, John Standing, Judy Geeson, Treat Williams, Larry Hagman, Siegfried Rauch, Michael Byrne, Maurice Roeves, Keith Buckley, Terry Plummer, John Barrett, David Gilliam, Jeff Conaway y Kent Williams.
Wilhelm Canaris, l'almirant chefe de l'Abwehh, se troba que como consecuencia de l'exito d'Otto Skorzeny en liberar a Benito Mussolini, engarcholau dimpués d'a suya deposición en Italia, li encomanan que prepare una operación militar ta conseguir o secuestro de Winston Churchill, o primer ministro d'o Reino Uniu. A mala raca, transfiere la orden a l'oberst Radt, un oficial d'o Estau Mayor. Iste, con o suyo aduyant, troba que sí que bi ha una posibilidat, en recibir una información que diz que Churchill se trobará en una chicota localidat d'a costa britanica un día concreto, y troba a l'hombre adecuau ta cumplir a misión, Kurt Steiner, un oficial d'os Fallschirmjäger idolatrau por sus himbres y en ixe momento castigau en a isla d'Alderney en as islas Anglonormandas en haber liberau a una presonera chodiga d'as mans d'as Schutzstaffel en a Polonia ocupada. Tamién recruta a Liam Devlin, un irlandés miembro d'o Irish Republican Army que treballa como profesor universitario en o Tercer Reuch. Dimpués que Steiner constate la viabilidat d'a operación, deciden lanzar en paracayidas d'una man a l'irlandés, que se fará pasar por un treballador contractau en o lugar a on s'escayecerá la incursión, y d'atra man a los paracayidistas alemans, disfrazaus con uniformes de l'exercito polaco como si n'estasen miembros.
A cinta s'ambienta en l'anyo 1943 mientres a Segunda Guerra Mundial en Polonia, Berlín, a isla d'Alderney en as islas Anglonormandas y en Anglaterra, y las suyas escenas se filmoron en Mapledurham en Oxfordshire, en Berkshire, en Holkham en Norfolk y en Charlestown, en Rock y Newquay en Cornualla, y en Sussex de l'Este en o Reino Uniu, en o castiello de Hohenschwangau en Bavera en Alemanya y en Rovaniemi en a Laponia finlandesa en Finlandia; amás d'en os Twickenham Studios en Twickenham en o Gran Londres.[2]
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q700694
