Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Streptopelia
Tordoleta
Tordoleta Streptopelia decaocto
Denominacions populars
Tordolas, tortolas, tordoletas, rolletas
Clasificación cientifica
Eukaryota
Animalia
Chordata
Aves
Columbiformes
Columbidae
Columbinae
Streptopelia
Descripción
Streptopelia
Bonaparte, 1855

As tordoletas[1] (deminutivo de tordola) u rolletas (/ru'λetas/~/ro'λetas/; cientificament Streptopelia) son un chenero d'aus Columbiformes en a familia Columbidae.

O chenero comprende bella quincena d'especies que habitan en Europa, Asia y Africa. En Africa ye a on en i ha mas diversidat d'especies.

Caracteristicas editar

As tordolas son palomas de mida chicorrona, que no superan os 30 cm de largaria,[2] con o plumache de colors suaus en tonos de marrón, anaranchadas u dica rosadas, con unas marcas negras en o cuello que les fan como un collar incompleto por a foyeta y a parte de dezaga y que pueden seguir un patrón variau de disenyo que pende de a especie.

Son monogamas vitalicias, o que gosa querer dicir que mantienen a mesma parella toda la vida. Por ixe motivo, en a cultura occidental se les ha vinclau con os sentimientos d'amor y romanticismo.

A suya voz ye mas monotona que no o tulido d'as suyas parients d'o chenero Columba, consistindo en una sola silaba prolargada ("cu-uú") que eventualment puede recordar a o son d'os coculos. Cuan emiten sonius, se diz que as tordolas «rulan» u «arrulan», a diferencia d'as palomas que se diz que «tulan».

Referencias editar

  1. (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
  2. (es) FELIX, Jîrî y TOMAN, Jan; Guía de Campo (3ª Ed.); Ediciones Susaeta. Madrid, 1999. ISBN 84-305-7413-1

Entrastres externos editar

 
Biquiespecies
Se veiga a información de Biquiespecies sobre Streptopelia.