Segundo Imperio Bulgaro

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O Segundo Imperio Bulgaro estió un estau creyau dimpués d'una insurrección bulgara y vlaca contra os griegos bizantins quan yeran en un periodo de decadencia. O Segundo Imperio Bulgaro desapareixió por fragmentación territorial y a por conquiesta d'os suyos territorios por serbios y otomans.

Segundo Imperio Bulgaro Българско царство Bălgarsko tsarstvo
← ← 1185 — 1422 →
Imperio Bulgaro en l'anyo 1340
Capital	Veliko Tărnovo
Idioma oficial	Bulgaro
Gubierno	Imperio
Zar  • 1185-1190  • 1397–1422	Petăr IV Constantín
Periodo historico	Edat Meya
• Fundación	1185
• Setio de Tărnovo	1422

A zaguers d'o sieglo XII os bulgaros y os vlacos d'o medio rural se rebelan y se constituye un nuevo estau Bulgaro, que por estar tamién prou extenso ye conoixiu como "segundo Imperio Bulgaro" por os historiadors, y tamién conoixiu como "Imperio Bulgaro-Vlaco" por historiadors rumanos, por ser gobernau por una dinastía vlaca, os Asán. A capital yera Tarnovo, a ilesia recuperó a suya autocefalia y bi ha una recuperación cultural.

En a "Cronica de Morea" parlan de Caloynni Assan, emperador de Bulgaria, que invadió l'Imperio Latino de Costantinoble en ixas envueltas de Balduín I. Tamién nombran a un Andronico Assani en relación con os almogávars:

Et el emperador, huyendo aquesto, tantost enuió vn su nieto, fillo de su hermana, el qual se nombraua micer Andronico Assani con buena companya

En o "Libro d'el Trasoro" denominan barbaros a los bulgaros, considerando-los como ocupants ilechitimos de Tracia, considerada part de Grecia:

Et depues es la tierra de Tracia, en do los barbaros son, e Romanya e Constantinoble

A invasión mongola de 1242, quan tornaban d'Hongría fació que os bulgaros entrasen en decadencia. O estau s'esminglanaba y se succedeban diferents dinastías, belunas d'orichen cumán. A costa d'a Mar Negra y a desembocadura d'o Danubio se poblaban por pueblos turquicos de diferents orichens, talment antipasaus d'os actuals gagauzes. A zaguers d'o sieglo XIV hi heba dos reinos bulgaros principals, un con capital en Tirnovo y atro con capital en Vidina. En 1382 os otomans prenioron Sofía, en 1393 o reino de Tirnovo, y en 1396 o reino de Vidina. En 1396 os hongaros y franceses organizan una cruzada anti-otomana, plegan a ocupar Vidina, pero son vencius en Nikopol. En 1444 unatra cruzada antiotomana ye redotada en 1444 en a batalla de Varna, en a que muere o rei Vladislau de Polonia y Hongría.

Bibliografía

• (es) André Sellier, Jean Sellier: Atlas de los pueblos de Europa Central. Acento editorial.