Sauropsida
| Sauropsida | |
|---|---|
 | |
| Denominacions populars | |
Sauropsidos
| |
| Dende o Carbonifero | |
| Clasificación cientifica | |
| Eukaryota | |
| Animalia | |
| Eumetazoa | |
Filo:
|
Chordata |
| Vertebrata | |
| Tetrapoda | |
| Sauropsida | |
| Descripción | |
Sauropsida
Goodrich, 1910 | |
Os sauropsidos (en nomenclatura cientifica Sauropsida, en latín) son un clado d'animals vertebraus tetrapodos que incluye os animals popularment conoixius como «reptils» (actuals, y extintos como pterosauros, ictiosauros y sauropterichios), os dinosauros incluidas as aus, y a mas a mas o linache extinto d'os anapsidos.
Os sauropsidos son a división principal d'entre os amniotas por numero d'especies, por contraposición con o clado chermano d'os sinapsidos (Synapsida) que no en queda vivos si que os mamiferos. Os reptils tienen arredol de 9000 especies actuals descritas y as aus, unas 10.000.
Seguntes lo que se'n sabe, as dos ramas d'amniotas s'esbarrón luego, fa uns 310 millons d'anyos en o Carbonifero, a l'arreu de que amaneixese o clado principal. Manimenos y a diferencia d'os sinapsidos, os sauropsidos plegarían en a suya esplendor en o Mesozoico. Un rabanyo de grupos de sauropsidos desapareixerían pues con l'evento d'extinción de a fin d'o Cretacio.
Sauropsida como grupo eufiletico ye mas achustau con os criterios d'a taxonomía moderna, cada vegada mas basada en a cladistica. Conque o clado Sauropsida s'ha poroposau a sobén como sustituto en a bibliografía cientifica de o taxón parafiletico Reptilia.
Se veiga tamién
editarEnlaces externos
editar
Se veigan as imáchens de Commons sobre Sauropsida.
Wikispecies tiene un articlo sobre Sauropsida.
