Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Synapsida

Dominio: Eukaryota
Reino: Animalia
Filo: Chordata
Subfilo: Vertebrata
Superclase: Tetrapoda
Clase: Synapsida
Órdens

Os sinapsidos son un clado d'Amniotas que incluye a los mamiferos y todas as formas fosils relacionadas con o suyo orichen, conoixius como proto-mamiferos u reptils mamiferoides a causa d'o suyo pareixiu con os reptils.

En a clasificación sistematica tradicional o termin "sinapsidos" s'emplega pa nombrar a los reptils mamiferoides, consideraus como una subclase adintro d'os reptils. Como os mamiferos han apareixiu a por evolución de bel reptil mamiferoide d'o Triasico y los reptils mamiferoides no han orichinau garra orden de reptil actual, evolutivament os reptils mamiferoides son en una branca de l'árbol filochenetico d'os mamiferos y os atros reptils en unatra. Esto suposa dende a perspectiva cladistica que s'haigan de despartir d'os reptils actuals.

Istos animals se diferencian d'os reptils ya que no poseyen escratas y tampoco se sabe que momento d'a evolución desembolicoron o pelo. Se caracterizan por presentar, orichinariament, una sola abertura en o cranio dezaga de cada uello (fuesa temporal), en a parte inferior d'o ueso temporal (pulso), a diferencia d'os reptils (engardaixos, serpientscrocodrilosdinosaurosaus, tartugas), que presentan dos fuesas temporals. Tamién estioron os primers vertebratos en poseyer cuantos tipos de dients, como incisivos, caninos y molars.

O estudio d'os sinapsidos fosils nos amuestra cómo os tipos mas antigos se pareixen a os primers reptils y os mas abanzaus son cuasi identicos a os mamiferos.