Ribagorzanismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os ribagorzanismos son caracteristicas lingüisticas que siguen tendencias propias d'as parlas de Ribagorza tanto en a part catalanoparlant como en a part aragonesoparlant.

Ventallo d'isoglosas de Ribagorza, eixemplo tipico de parlas de transición entre dos idiomas chirmans (aragonés y catalán), derivaus d'una mesma luenga madre, o latín

Estos caracters, amás d'as coincidencias de l'aragonés ribagorzano con o catalán, as coincidencias d'o catalán ribagorzano con l'aragonés y os caracters comuns entre catalán y aragonés dan bella unidat a las parlas de Ribagorza y fan que a muga entre catalán y aragonés siga progresiva, gradual y dificil de marcar en o mapa. Buena part d'as parlas ribaborzanas son parlas de transición entre o catalán y l'aragonés.

Rasgos ribagorzanos que no se troban en as formas chenerals de l'aragonés u catalán son:

• Palatalización d'os grupos consonanticos latinos CL-, GL-, BL-, FL- en posición inicial:
  • Flló, pllorá
• Palatalización d'os grupos consonanticos latinos -PL-, -SCL-, -NGL- (y tamién d'o grupo heterosilabico -RL-) en posición interior:
  • singlla, rascllo, repllegá, parllar
• Formas tu és, el é pa o present d'indicativo d'o verbo ser.
• Tipos lexicos comuns:
  • Tuara (Renanué) - Tora (Bonansa)
  • Caniella (Bisagorri) - Canella (Noguera Ribagorzana y Isabana)
  • Pochón (Bisagorri) - Pochó (Catalán ribagorzano y Pallarés)

A toponimia ribagorzana tien tamién trazas propias:

• A -LL- latina evoluciona ta una -s-, que en a Vall de Castanesa encara se i pronuncia como -s- sonora (a no estar que siga un alofono d'a s sorda):
  • Castieso < CASTĔLLU.
  • Castesillo < CASTĔLLU + -ICULUM.
  • Guadieso < AQUATĔLLU.
  • Visalibons < VILLA LUPONIS.
• As terminacions en -ué u -ui. Bienvenido Mascaray Sin nota que os toponimos en -ués y -ós d'o Pireneu central, que en Pireneu occidental son -otz, -oz, -otze en basco se fan mas escasos en Ribagorza (nomás que Astós, Sos, Dos, Argués y Roperós). Deduce que en Ribagorza a -s d'esta terminación se perdió y que a terminación -ui (que él representa -uí) ye una derivación de -ué:
  • Anyués > Anué
  • Beranué > Beranui
  • Lorué > Ralui

• Datos: Q13050002