Rattus norvegicus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Rattus norvegicus | |
|---|---|
 | |
| Denominacions populars | |
Rata grisa, Rata comuna
| |
| Estau de conservación | |
| Clasificación cientifica | |
| Animalia | |
Filo:
|
Chordata |
| Mammalia | |
| Rodentia | |
| Muridae | |
| Rattus | |
| R. norvegicus | |
| Descripción | |
| Distribución cheografica | |
 | |
A rata grisa u rata comuna[1] (Rattus norvegicus (Berkenhout, 1769)[2]) ye un mamifero d'a orden d'os Rodentia y familia Muridae que se creye que s'orichinó en o norte de China, pero agora iste radedor s'ha extendiu a toz os continents fueras de l'Antarctida, y ye a rata dominant en Europa y gran parti d'America d'o Norte. Con raras excepcions, a rata grisa vive ansequiera que vivan os humans, particularment en as arias urbanas.
As ratas comunas son ratas grans, de constitución fuerte con un cranio cuadrau, morro romo y coda gruixuda, que la suya longaria por un regular ye menor que a longaria d'o tozuelo y o tronco. A longaria d'o tozuelo a lo tronco ye de 18 a 26 cm, a longaria d'a coda de 14 a 21 cm y a longaria d'o piet zaguero de 38 a 45 mm. A coda tien 163-205 aniellos d'escala. As orellas son redondas y chicotas con una longaria de 17 a 23 mm; cuan se pliegan enta adebant, aconsiguen como maximo lo canto posterior d'o uello.[3] Os animals sexualment maduros pesan entre 170 y 350 g.
A especie amuestra un claro dimorfismo sexual, os masclos son mas grans y pesaus que as fembras. En una amuestra de Görlitz, os masclos en dos grupos d'edat d' animals sexualment maduros pesoron un promeyo de 309 y 404 g, mientres que as fembras en os mesmos grupos d'edat pesoron 255 y 315 g, respectivament. Os masclos yeran en promeyo 17,5 y 22 % mas pesaus que as fembras, a longaria d'o tozuelo a torso d'os masclos yera 8,1 y 10,1 % mas larga.[4]
Referencias
editar- ↑ (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (II), Fuellas 251-252, Consello d'a Fabla Aragonesa, 2019, ISSN 1132-8452, pp. 19-24.
- ↑ (de) K. Becker: Rattus norvegicus (Berkenhout, 1769) – Wanderratte. In: J. Niethammer, F. Krapp: Handbuch der Säugetiere Europas. Akademische Verlagsgesellschaft, Wiesbaden 1978, pp. 401–420.
- ↑ (de) S. Aulagnier, P. Haffner, A. J. Mitchell-Jones, F. Moutou, J. Zima: Die Säugetiere Europas, Nordafrikas und Vorderasiens – Der Bestimmungsführer. Haupt Verlag, Bern/ Stuttgart/ Wien 2009, ISBN 978-3-258-07506-8, pp. 236–237.
- ↑ (de) A. Dietze, O. Zinke, H. Ansorge: Studie zur Reproduktion und Morphologie der Wanderratte Rattus norvegicus (Berkenhout, 1769) – Ein Beitrag zur Fauna der Oberlausitz. In: Veröff. Mus. Westlausitz Kamenz. 26, 2006,pp. 117–128.
Vinclos externos
editar
Se veigan as imáchens de Commons sobre Rattus norvegicus.
Datos: Q184224- Multimedia: Rattus norvegicus / Q184224
Especies: Rattus norvegicus
