Fuellas
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Fuellas d'información d'o Consello d'a Fabla Aragonesa, coloquialment Fuellas, ye a primera y más veterana revista feita de raso en aragonés. Dende aquells primers 100 exemplars de tirache se ha pasato a ros 1.500 actuals. Ye a publicación periodica, no diaria, más antiga d'Aragón, pos contina editando-se dende chunio de 1978. En aviento de 2010 saliba o numero 200; arredol de 5.000 pachinas fan veyer a suya importancia en o proceso de modernización de l´aragonés.
Se centra en información d'actualidat sobre as actividatz d'o Consello d'a Fabla Aragonesa por l'aragonés y a cultura feita en aragonés: literatura, amostranza, publicacions, politica lingüistica, textos populars, actividatz, ecetra. Admite recensions de publicacions, textos curtos de creyación literaria y bells treballos d'investigación u de replega arredol d'o lexico, a gramatica u atros aspectos de l'aragonés.
Ye bimestral y cada numero, por un regular, gosa tener entre 32 y 44 planas. A suya directora, dende 2014, ye a periodista oscense Amaya Gállego Lamarca.