Postre

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O postre ye o plato dulce que se mincha a la fin d'a comida, encara que a sobén tamién se mincha fruita, mas que mas en verano que bi ha mas variedat; cuan se fabla de postres quiere dicir bella preparación dulce, bien sigan cremas, tartas, pastels, chelatos, bombons, ecetra.

Postres en Aragón

En Aragón bi ha a-saber-los postres arredol d'a suya cheografía. Bels eixemplos de postres d'Aragón son istos:

As fruitas d'Aragón que ya se feban dende a epoca romana cocendo-las en xarabe ta conservar-las, dimpués se cubrioron con chicolate.
Os sospiros d'o monesterio de Casbas: tipicos d'a localidat de Casbas de Uesca, son una mezcla de claras de uego a punto de nieu y zucre.
As tortas d'alma d'o Baixo Aragón, Mayestrato y de Cinco Villas, son feitas de farina de trigo, zucre, aceite d'oliva, matafaluga, mistela y "alma", una mermelada de carbaza feita nomás con zucre y miel.
O coc de Fraga feita con pasta de farina que fermenta y se emplena de fruita fresca u fruitos secos.
A trena d'Almudévar ye una pasta de refollato emplena de fruitos secos, pansas, nueces y almendra.
Os pastillos de carbaza d'a Cinca Meya.
As almojábanas de Daroca, Albarracín y o Mayestrato son unos lamins de orichen arabe, replenos de crema. En Albarracín son ditas Almojábanas de Ben Razín.
As piedrecicas d'el Calvario d'Alcorisa son carambels con miel, zucre y almendra banyatos en chicolate.
Os crespiellos (Semontano de Balbastro), crespells en Val de Robres de borraina rebozata y frita, dencima se i puet posar miel u zucre.
O presco con vin.
As castanyas de marzapán de Uesca.
O mostillo de remolacha de Cantaviella u Osella
O pan de figos, orichinario d'as tierras d'a Cinca Baixa
O pastel ruso de Uesca.
Os chaqueses de Chaca, un pastel de bizcocho con nata u crema.
O pastel Biarritz de Balbastro, un pastel feito de uegos, zucre y almendras.

Datos: Q182940
Multimedia: Desserts / Q182940