Miel
A miel (d'o latín < MEL) ye un fluido dulce y vescoso produeito por as abellas y atros insectos a partir d'o néctar d'as flors. O gusto y a color d'ista substancia ye determinato por a mena de flors d'as que se'n reculle o néctar. As sabors comuns d'a miel incluyen a miel de naranchera, mora y chordón. A tecnica d'a extración de miel d'as brescas d'as arnas ye conoixita com apicultura.
Apicultura en AragónEditar
En Aragón bi ha tres tipos tradicionals d'arnas:
- En l'Alto Aragón bi ha arnas en disposición horizontal u chacients.
- En Moncayo y Sistema Iberico bi ha construccions clamatas armarios.
- En a val d'Ebro y Teruel bi ha vasos.
Entre as miels monoflorals destacan a miel de romero y a miel de tremonciello.
Uno d'os libros d'apicultura viellos mes celebres s'editó en Zaragoza en o sieglo XVII. O suyo títol ye Perfecta y curiosa declaración de los provechos grandes que dan las colmenas, y alabanza de las abejas. L'autor ye o magallonero Jaime Gil y ye considerau como o gran referent de l'apicultura tradicional en Espanya.
