Mezcla

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Una mezcla u mescla (de lo latín MISCULARE), ye un sistema material formau por dos sustancias u unas quantas sustancias que no han reaccionau quimicament y mantienen las suyas propiedatz fisicas, por lo que se pueden despartir por medios fisicos como la destilación, la decantación, la flotación, la filtración, la precipitación u la centrifugación. Las mezclas pueden estar homochenias si no se veyen los diferents components a simple vista u heterochenias si se veyen los components a simple vista. Un eixemplo de mezcla homochenia ye l'aire, l'augua de la mar u qualsiquier aleyación. Un eixemplo de mezcla heterochenia ye una roca polimineralica como lo granito u qualques deterchents. Entremeyo de las mezclas homochenias y heterochenias tenemos las emulsions. La més gran part de los alimentos son mezclas de nutrients.

Lo granito ye una roca polimineralica y una mezcla heterochenia de quarz, feldespatos y micas, entre atros minerals.

L'allolio ye una emulsión de suco d'allo y olio d'oliva.

L'augua de mar ye una mezcla homochenia u disolución d'augua con sals disueltas y tamién cantidatz muito variables d'aire que permiten respirar a los peixes y animals aquaticos.

Veyer tamién

• Barracha.
• Mestura.