Pegunta
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La pegunta u pez ye un repui de la pirolisi d'un material organico u destilación d'alquitrans. Ye solida a temperatura ambient, y una mezcla complexa de muitos hidrocarburos la composa:
- hidrocarburos aromaticos policiclicos.
- oligoarilos y oligoarilmetanos
- compuestos policiclicos y heteroaromaticos
Las peguntas presentan un amplo ventallo de tovura en cuenta d'una temperatura definita de fusión. Cuan se deixa que siga frida de nuevo la pegunta solidifica sin cristalización.
Los hidrocarburos aromaticospoliciclicos son lo grupo de compuestos mes abundants en las peguntas. Seguntes a suya estructura, se pueden clasificar en cata-condensatos y peri-condensatos. Los cata-condensatos presentan atomos de carbonio terciario comuns, como maximo, a dos aniellos aromaticos, mientres que en los peri-condensatos, bel atomo de carbonio terciario perteneix a tres unidaz aromaticas. La diferent tipolochía d'ixas dos clases de compuestos poliaromaticos toca a lo suyo comportamiento, por eixemplo a la reactividat termica suya.
Introducción historica
editarLa pegunta estió lo producto mes exportato por Finlandia mientres los sieglos XVII y XVIII. Las naus y buques mercaders europeus precisaban pegunta a manta, y lo principal suministro proveniba de las selvas de coniferas de lo reino de Suecia, que alavez ocupaba Finlandia. En atros países la pegunta se sacaba de pins viellos, u lo que quedaba dimpués de tallar l'árbol, como materia prima pa sacar pegunta. Los suecos, finlandeses y carelians la sacaban de pins chóvens.
La crosta de arbols y matullos se tallaba pa producir incisions por las que dimpués iba a fluir la resina. Dimpués d'unas anyatas estos árbols los tallaban, los partiban en trozos chicoz y los almacenaban pa producir pegunta. La pegunta la trasportaban ta los puertos en tonels y la embarcaban pa que plegase ta los mercatos internacionals. Lo negocio de la pegunta estió un modo principal de vida pa los habitadors de lo sudueste de Finlandia, en l'interior, sobretot Carelians. Mes tarde a fins de lo millor tiempo d'esta industria, tamién se procesaba en las rechions d'Ostrobotnia y Kainuu.
Bi heba una creyencia que deciba que fer servir pins de 30 a 40 anyos yera una gran perduga, en especial porque las selvas on s'espleitaba la pegunta nunca no plegaban a producir troncos grans buenos pa las serrerías, y s'heban de substituyir por las piceyas, no tan buenas creixedoras. Manimenos las rendas procedents de la venda de brea lis feban honra a los habitadors d'ixas rechions. Heban d'espleitar un recurso natural en una zona de suelo pobre en nutrients, fuese lo recurso que fuese.
En Finlandia fabricoron pegunta mientres 300 anyos, rematando a principios de lo sieglo XX, cuan deixoron de construir embarcacions con fusta, y se redució a requesta d'este material.
En l'Alto Aragón occidental se diz pez y l'Alto Aragón oriental se diz pegunta, común con o catalán, como en textos en castellano d'Aragón de lo sieglo XVI encara existiba la palabra peguntar como relativa a la construción y ye un compuesto de PICARE + UNCTARE, la forma oriental pareix derivar de lo verbo.
