Galas

	Galas; Cymru; Wales
(En detalle)	(En detalle)
	Lema nacional: Cymru am byth; (en galés: Galas ta cutio)
	Himno nacional: Hen Wlad Fy Nhadau (en galés: Viello país d'os mios pais)
	Situación de Galas
Capital; • Población	Caerdydd; 369.202
Mayor ciudat	Caerdydd
Idiomas oficials	Anglés y galés
Forma de gubierno Reina; Primer ministro	Monarquía constitucional ; Carlos III d'o Reino Uniu; Rhodri Morgan
Unificación; por Gruffydd ap Llywelyn	1056
Superficie; • Total	Posición º; 20.761 km²
Población; • Total; • Densidat	Posición º; 3.074.067 (2012); 148 hab/km²
PIB (PPA); • Total (2005); • PIB per capita	Posición º; USD 196.388 millones;
Moneda	Libra esterlina (£, GBP)
Chentilicio	Galés/a
Zona horaria ; • en Verano	UTC ; UTC+1
Dominio d'Internet	.uk
Codigo telefonico	++44
Prefixo radiofonico
Codigo ISO
	Miembro de: Reino Uniu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O país de Galas (en galés Cymru, en anglés Wales) ye una d'as nacions que forman o Reino Uniu. Ye situato a l'ueste d'a isla de Gran Bretanya y tien una población total d'alto u baixo de de 3,1 millons de personas estando un país bilingüe en o cual las suyas luengas oficials son lo galés y l'anglés. A suya capital y ciudat mas gran ye Caerdydd u en anglás Cardiff (305.000 habitants).

Poseye una identidat cultural propia que se conformó dimpués d'a retirada d'os romans de Gran Bretanya. La redota de Llewelyn per Eduardo I en o sieglo XIII concluyió la conquiesta anglonormanda de Galas y significó lo comienzo de sieglos d'ocupación anglesa. Lo territorio estió anexado a Anglaterra en l'anyo 1284 con o Estatuto Rhuddlan y mas tarde per l'Acta d'Unión de 1536 s'incluye a Galas en o cumplimiento d'o sistema legal d'Anglaterra creando-se as entidats legals hue conoixidas como Anglaterra y Galas. En o sieglo XIX se desenvolvió una politica local y en 1955 Caerdydd estió triada capital, en 1999 se creó l'Asembleya Nacional de Galas (en galé: Cynulliad Cenedlaethol Cymru) conoixida actualment como que Parlamento Galés (en galés: Senedd Cymru) que atiende afers internos. Os ciudadans de Galas esleyen representants pa o Parlamento Galés y amás pa o Parlamento britanico de Londres. Lo suyo chefe de Gubierno de Galas ye o Primer ministro (First Minister).

Toponimia

Wales provien d'o etnonimo walhos con o que os pueblos chermanicos denominaban a los galos primero, a los galorromanos dimpués y a la fin a toz os pueblos romanizatos de l'Imperio Romano. Esta denominación se remonta a los antigos volcos centroeuropeus, un d'os primers pueblos celtas que se troboron os chermans en a suya expansión enta lo sud.

O exotoponimo Galas ye bien documentato en textos medievals aragoneses y navarros, y coincide con o exotoponimo en occitán d'on talment ye preso:

Et el tercero fiio el princep Johan se nombró micer Ruberto, & fue muerto à la batalla de Pitieus, do fue preso el rei Johan de Francia por el princep de Galas & sus Ingleses^[2]

acordáronse otra vez con los de Galas et de Escoçia et de Noruega et de Yrlanda et Nort Unbertlanda, et vinieron a Anglaterra, et conquerieron la más de la terra.^[3]

enta el Princep de Gallas, trezientos florines de Florença, et agora retornado, nos aya dicho que vltra la dicha quantia...^[4]

O nombre clasico de Galas ye Cambria y lo trobamos en a "Grant Cronica d'Espanya", compilación historica de Chuan Ferrández d'Heredia:

Et bruto hauia conocido carnalme(n)t / ignoge(n) muller suya. & hauia enge(n)drados .iij. nobles fijos clamados / lotrin / albanacto. & kamber. Et ap(re)s de .xx. & .iiijo. anyos que Bruto fue arribado enla ysla murio. Et sot(er)raron lo sus fijos dentro la Ciudat que hauia hedificada / & departiero(n) ent(r)e si el Regno Locrin qui era primogenito / possidio la meitat d(e)la ysla que despues fue dicha por su no(m)bre loegria. Kamber possedio aq(ue)lla partida qui es ultra el Rio de sabrin qui agora es clamada Gaulia / la q(u)al gra(n)t tiempo apres fue dicha kambria porel nombre de kamber por que encara la ge(n)t de aq(ue)lla tierra en le(n)gua bretanica le dizen kambro. mas albanacto qui era(^s) mas iouen possidio la tierra qui en n(uest)ro tiempo es clamada scocia / Emp(er)o grant t(iem)po fue dicha albania / porel nombre de albanacto

Clima

Galas ye en l'aria atemperada d'Europa, tien un clima maritimo cambiant y ye un d'os países mas humidos d'Europa. L'orache en Galas gosa estar nuble, humido y ventolero, con veranos calidos y hibiernos templaus. Os largos días de verano y los curtos días d'hibierno pueden explicar-se per a suya latituz. O clima en a costa sud ye considerablement mas templau que en a resta d'o país a resultas d'as calidas corrients marinas.

Municipios mas poblaus

	Puesto	Municipio	Autoridat unitaria	Habitants	Puesto	Municipio	Autoridat unitaria	Habitants
Municipios mas poblaus en Galas
Caerdydd Abertawe	1	Caerdydd Cardiff	Ciudat y condau de Caerdydd Dinas a Sir Caerdydd	335.145	11	Caerffili Caerphilly	Condau de Caerffili Bwrdeistref Sirol Caerffili	41.402	Casnewydd Wrecsam
	2	Abertawe Swansea	Ciudat y condau d'Abertawe Dinas a Sir Abertawe	239.000	12	Port Talbot	Condau de Port Talbot Bwrdeistref Sirol Castell-nedd Port Talbot	37.276
	3	Casnewydd Newport	Ciudat de Casnewydd Dinas Casnewydd	128.060	13	Pontypridd	Rhondda Cynon Taf	30.457
	4	Wrecsam Wrexham	Condau de Wrecsam Bwrdeistref Sirol Wrecsam	61.603	14	Aberdâr Aberdare	Rhondda Cynon Taf	29.748
	5	Y Barri Barry	Bro Morgannwg Bro Morgannwg	54.673	15	Bae Colwyn Colwyn Bay	Condau de Conwy Bwrdeistref Sirol Conwy	29.405
	6	Castell-nedd Neath	Condau de Port Talbot Bwrdeistref Sirol Castell-nedd Port Talbot	50.658	16	Pont-y-pŵl Pontypool	Torfaen	28.334
	7	Cwmbrân Cwmbran	Torfaen	46.915	17	Penarth	Bro Morgannwg Bro Morgannwg	27.226
	8	Pen-y-bont ar Ogwr Bridgend	Condau de Pen-y-bont ar Ogwr Bwrdeistref Sirol Pen-y-bont ar Ogwr	46.757	18	Y Rhyl Rhyl	Sir Ddinbych Sir Ddinbych	25.149
	9	Llanelli	Sir Gaerfyrddin Sir Gaerfyrddin	43.878	19	Coed Duon Blackwood	Condau de Caerffili Bwrdeistref Sirol Caerffili	24.042
	10	Merthyr Tudful Merthyr Tydfil	Condau de Merthyr Tudful Bwrdeistref Sirol Merthyr Tudful	43.820	20	Maesteg	Condau de Pen-y-bont ar Ogwr Bwrdeistref Sirol Pen-y-bont ar Ogwr	18.888