Galeses
| Galeses Cymry | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | ||||||||||||||||||||||||
.svg){kind=small} Galas 3 millons | ||||||||||||||||||||||||
| ||||||||||||||||||||||||
| Galés y anglés | ||||||||||||||||||||||||
| Cristianismo, atras de minoritarias | ||||||||||||||||||||||||
| Bretons, Cornualleses | ||||||||||||||||||||||||
Os galeses (en galés Cymry en anglés Welsh people) son os habitants nativos de Galas. Totz parlan anglés, pero una minoría conserva a luenga tradicional galesa. Son de relichión metodista calvinista u anglicans.
EtnonimoEditar
Os britans refuchiatos en l'ueste se diciban a ellos mesmos com-broges, compatriotas, d'on vien a parabra actual cymry.
O etnonimo por o que son conoixitos en muitas luengas ye relacionato con o que se fa servir en anglés welsh. welsh deriva d'o anglés antigo wealas, wealhas, parabra que deriva d'o chermanico antigo walha. Si os primers pueblos chermanicos diciban a los celtas walha por haber tenito contacto con os celtas volcos, esta denominación se fació extensiva tamién a los celtas romanizatos y a los romans orichinando atros etnonimos en atras zonas. Manimenos invasors anglosaxons aplicaban wealas exclusivament a los celtas britans, a diferencia d'os vikingos, que deciban valir tanto a las poblacions celticas de Britania y Galia (galeses, cornicos, bretons), como a los pueblos latins.
Modo de vida tradicionalEditar
O norte de Galas ye més tradicional y bi ha pastors y pescataires. O sud ye muito industrializato y i heba muita tradición menera.
LuengaEditar
O galés ye una luenga celta d'a branca galo-britonica, ye a supervivencia de l'idioma d'os antigos habitants d'a Britania de tiempos d'os romans y bi ha lexico latín. As luengas actuals més pareixidas a lo galés son o cornico y o bretón.
En o sud desapareixió por os cambios socials que trayó a industrialización d'o sieglo XIX, con una fuerte inmigración anglesa. A luenga galesa s'amuestra en a escuela. En a literatura galesa bi ha relatos mitolochicos, como os Mabinoggion u as "Triadas"
RelichiónEditar
Os galeses s'oposoron a pagar decimas a la Ilesia Anglicana. A meyatos d'o sieglo XVIII o nacionalismo galés s'expresó con conversions masivas a lo calvinismo metodista. Bi ha tradicions precristianas como os canticos anyals de Eisteddfodau y os certamens de poesía encara vivos en o norte. En Galas o bardo estió o hereu d'o druida d'a sociedat pagana celta.
HistoriaEditar
Os galeses descienden d'os antigos britans u bretons, (habitants de l'antiga Britania), que fuoron forachitatos enta l'ueste por as invasions anglosaxonas.
En 1536 Henrique VIII incorporó Galas a Anglaterra de pa cutio y prohibió a luenga y costumbres galesas. A clase alta s'asimiló a los angleses, pero os campesins mantenioron a tradición.
En o sieglo XIX amaneixió un nacionalismo galés que reivindicaba l'herencio cultural celta, y topetó con a oposición d'os anglosaxons de Galas y d'os inmigrants angleses.