Ursus arctos horribilis
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ursus arctos horribilis | ||||||||||||||||||||
 Fembra d'onso griso americano, con a coloración que le da lo nombre a esta subespecie | ||||||||||||||||||||
| ||||||||||||||||||||
| ||||||||||||||||||||
| Ursus arctos horribilis | ||||||||||||||||||||
| Ord, 1815 | ||||||||||||||||||||
L'onso griso (Ursus arctos horribilis, clamato popularment Grizzly en America d'o Norte) ye una variedat gran de l'onso pardo, y que puede tener pendendo en os individuos colors que bailan d'entre la marrón fusca dica l'amarellisca. Actualment vive en as tierras altas de l'ueste de norteamerica, encara que s'accepta que bellas formas d'onsos grisos feban vida en Rusia y Siberia dica en abe pocos tiempos. Actualment, a sola subespecie que podría clamar-se onso griso ye l'americana (U. a. horribilis), mientes que l'onso griso de Siberia (Ursus uralensis) se troba extinguito.
Os onsos grisos americanos son mas grans que no os onsos pardos europeus, gosando dica pesar bels 500 kg en os masclos adultos (esto ye, aproximadament, 1,8 vegadas o peso d'a fembra, un eixemplo claro de dimorfismo sexual) y presentan una gran variedat de coloracions seguntes as suyas poblacions d'orichen, cosa que ye prou singular d'esta subespecie porque no se troban variacions tan grans de coloración en garra altra variedat actual d'onso pardo.
Normalment, l'onso griso ye un animal temido y solenco que muitas vegadas fa vida de nueit. Sindembargo, cuan o desove d'os salmons estos animals se congregan en a ribera d'os rios y barrancos ta caturar os peixes. Modernament encara pueden veyer-sen en bels puestos d'Alaska y Canadá grans congregacions d'onsos grisos aguaitando a plegada d'os salmons.
Datos: Q171004
Multimedia: Ursus arctos horribilis / Q171004
Especies: Ursus arctos horribilis
