Montenegrins

Montenegrins
Црногорци
Montenegrins en 1869
Montenegrins en 1869
Rechions con comunidatz importants
Flag of Montenegro.svgMontenegro
Idiomas
Idioma montenegrín (estandar local d'o serbo-crovate)
Relichión
Cristiana Ortodoxa
Pueblos relacionaus
Serbos, bosniacos, crovates, macedonians, bulgaros.

Os montenegrins son os habitants mayoritarios de Montenegro. Parlan una luenga eslava meridional, o serbo-crovate y son cristians ortodoxos. En a Edat Meya feban parte d'o pueblo serbo, y se'n diferencioron en o periodo otomán.

LuengaEditar

Ta más detalles, veyer l'articlo Idioma montenegrínveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os montenegrins parlan o serbo-crovate igual como os serbos, crovates y bosniacos. Manimenos a denominación que recibe oficialment a variant estandarizada d'o continuum dialectal serbo-crovate que fan servir os montenegrins ye crnogorski, ye dicir, "montenegrín". Adintro d'este continuum los montenegrins charran una parla xtokavisca con diferiencias en la declinación respecto a atras parlas xtovaviscas d'ixe continuum.

O standard montenegrín se basa sobre tot en a parla d'Herzegovina oriental, que fa part d'o dialecto xtokavisco, igual que os standards d'as "lenguas" crovata, bosniaca y serba, tamién denominacions locals de variants estandarizadas d'o serbo-crovate. Muitos d'os parlants nativos no son comodos con a denominación d'orichen academico "serbo-crovate" y prefieren as denominacions relativas a las nacionalidatz a las que perteneixen.

HistoriaEditar

Ta más detalles, veyer l'articlo Historia de Montenegroveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os montenegrins son en o suyo orichen serbos establius en principatos como Doclea / Zeta y atros d'a redolada. Os serbos montenegrins desarrolloron una identidat diferent por estar aislaus entre montanyas con respecto a los atros serbos, que amás yeran sozmesos a lo Imperio Otomán.

En o marco d'os nacionalismos d'o sieglo XIX os dirichents de Montenegro se percibiban ellos mesmos como serbos y deseyaban restaurar o imperio serbisco medieval,[1] por o que yeran rivals d'os dirichents d'a recient Serbia independient.

Una vegada creyau o Reino d'os Serbos, Crovates y Eslovenos, (dimpués Reino de Yugoslavia), en o periodo d'entreguerras amaneixioron dos faccions oposadas entre os habitants de Montenegro: os "blancos" y os "verdes". Os "blancos" yeran partidarios cerrinos d'a unión con os serbos y s'oposaban a fer distincions entre serbos montenegrins y atros serbos. Os "verdes" reivindicaban una reorganización d'o reino sobre una base federal y no yeran conformes con o control d'o estau que teneban os serbos d'o gobierno de Belgrado[1]

En o decenio de 1980 creixió o nacionalismo serbisco en tot o territorio de l'antiga Yugoslavia, incluyiu Montenegro. Quan en 1991 encomienza a descomposición d'a Republica Federal Socialista de Yugoslavia, y Montenegro permaneixe sin independizar-se y participa contra os crovates de Ragusa y Konavle en a Guerra d'independencia crovata chunto con os serbos d'Herzegovina oriental y l'Exercito Federal Yugoslavo. O desarrollo d'as guerras yugoslavas de secesión fació creixer entre os montenegrins un deseyo de desvinclar-se de Serbia, que heba quedau aislada y desprestichiada internacionalment. Muitos montenegrins reivindicoron a existencia d'una nacionalidat montenegrina diferent d'a nacionalidat serbisca y amaneixió un montenegrismo[1] que levó a la independencia de Montenegro en 2006.

ReferenciasEditar

  1. 1,0 1,1 1,2 (es) Felipe Fernández-Armesto: Los hijos de Zeus. Pueblos, etnias y culturas de Europa. 1996 Grijalbo. pp 295-297.