Miollo osio

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre lo miollo que bi ha adintro de los uesos grans. Pa atros emplegos de la parola miollo vaiga a la pachina miollo (desambigación).

Lo miollo osio ye un tipo de teixito animal que se troba adintro de los grans uesos como lo cranio, las vertebras (uesos irregulars), las costiellas, lo esternón, la cintura escapular y la cintura pelviana.

Representación simplificada de lo miollo osio

Se'n diferencian dos clases por la suya coloración y funcions:

• Miollo osio royo: Ocupa lo teixito esponchoso de los uesos plans com lo esternón, las vertebras, la pelvis y las costiellas y tien una función hematopoyetica.
• Miollo osio amariello: Ye una variedat de teixito adiposo que se troba en las canals medulars de los uesos luengos.

Los recient naixius tienen tot lo miollo osio royo, pero con la edat se va tornando cada vegada mes de lo tipo amariello. De feito los adultos tienen una meya de 2,6 kg de miollo, la mitat miollo royo.

En lo miollo osio ye a on se produce la sangre (hematopoyesi), gracias a las celulas mai hematopoyeticas que contien que orichinan los tres tipos de celulas sanguinias: leucocitos, eritrocitos y trombocitos (que orichinarán las plaquetas).

Este teixito se puet trasplantar, ya que se puet extrayer d'un ueso de donant vivo, cheneralment de lo esternón u de l'anca, meyant una punción y una aspiración seguida de la transfusión a lo sistema circulatorio de lo receptor, siempre que i haiga compatibilitat de los sistemas HLA (compatibilidat d'organos entre lo donant y lo receptor). Alavez, las celulas mai inchectadas s'incorporarán a lo miollo de los uesos de lo receptor. Ye lo proceso que recibe lo nombre de trasplantamiento de miollo osio.

Denominacions populars

L'ALEANR amuestra en las localidaz alto-aragonesas con enquestadas con parlants de l'aragonés un gran predominio de la denominación tuetano u tuétano , con variants como tutato. En Hu 101 (Ansó) y Hu 200 (belsetán) se reculle la denominación chupo, en Hu 302 (Angüés) suco. La forma miollo se documenta en Hu 201 (Benás) y la forma castellanizada foneticament mieho en Hu 202 (Chistén), documentación que diccionario chistabín da como como mioho, encara que en ixe mesmo diccionario fegure la parola mieho como corazón de fruita sin ruello.

Se veiga tamién

• Leucemia.
• Sistema immunitario.
• Miollo espinal.
• Miollo suprarrenal.

• Datos: Q546523
• Multimedia: Bone marrow / Q546523