Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo tracta sobre lo miollo de teixito niervoso que bi ha adintro de la columna vertebral. Pa atros emplegos de la parola miollo vaiga a la pachina miollo (desambigación).

Lo miollo espinal ye un organo caracteristico de lo sistema niervoso central de los cordatos, caracterizaus por presentar lo eixe niervoso paralelo a la notocorda orichinal y por d'encima d'ella, en posición dorsal, a diferencia de la mes gran part de los atros metazoos, que lo presentan en posición ventral. De lo miollo espinal salen orichinalment un par de niervos raquidios por miotomo u segmento muscular. En los vertebratos lo miollo espinal ye protechito por la columna vertebral, y cada vertebra presenta un foramen pa alochar-lo.

Esquema de lo miollo espinal, alochau en los foratos de las vertebras y con radices niervosas salindo-ne a dreita y ezquierda.

La substancia grisa se situa adintro de lo miollo prenendo una forma d'"alas de paixarella" en sección transversal, tota enbolicada por la substancia blanca que ye en la periferia, por lo que los cuerpos neuronals son en lo centro y los axons en la periferia. Los cuerpos neuronals que bi ha en una posición central enta la part ventral son propios de neuronas motoras, los que bi ha en posición dorsal son propios de neuronas d'asociación que reciben información de neuronas sensitivas con cuerpos celulars en ganglios de las radices dorsals de los niervos espinals.

Lo miollo espinal puet controlar actos reflexos.

Una posible denominación antiga d'este organo en aragonés ye miollo de la esquena, como veyemos en la "Grant Cronica d'Espanya", compilación historica de Chuan Ferrández d'Heredia:

& toco me dios co(n) su mano e(n)tre las espaldas. & su mano era asy fria q(ue)la frieldat me e(n)tro al meollo d(e)la esq(u)ina. & dixo me yo he puesto la mano sob(r)e tu & tu pueblo[1]

Veyer tamién editar

Referencias editar

Bibliografía editar