Miollo suprarrenal

Este articlo tracta sobre lo miollo glandular que bi ha dencima de los rinyons. Pa atros emplegos de la palabra miollo vaiga a la pachina miollo (desambigación).

Lo miollo suprarrenal ye una glandula de lo sistema endocrino de los mamiferos que bi ha dencima de cada rinyón y embolicada por la crosta suprarrenal, formando en conchunto las glandulas suprarrenals. Ye d'orichen ectodermico y segrega dos hormonas, l'adrenalina), y la noradrenalina, necesarias pa la respuesta de l'organismo en situacions d'emerchencia.

Esquema histolochico de las glandulas suprarrenals con lo miollo suprarrenal en lo cabaixo.

Lo teixito de lo miollo suprarrenal deriva embriolochicament de lo mesmo teixito que esdevién las neuronas postganglionars de lo sistema simpatico de lo sistema niervoso autonomo. En los vertebratos no mamiferos las celulas homologas de lo miollo suprarrenal no se disposan formando un miollo diferent a una crosta y se pueden presentar ixemenadas chunto con las celulas d'orichen mesodermico homologas de la crosta suprarrenal.

Bibliografía

• C.P.J.Hickman: Principios Integrales De Zoologia - 10ª Ed. McGraw-Hill. 1998.
• Natividad Ferrer Marí, Miguel Gracia Vicente, Manuel Medina Martínez: Bachillerato. Biología y Geología. Bruño, 2008.