Abrir menú principal
José Pardo Asso
Información personal
Calendata de naixencia 17 d'agosto de 1880
Puesto de naixencia Flag of Aragon.svg Santa Cilia (Chacetania)
Calendata de muerte 28 d'agosto de 1957
Edat 77
Puesto de muerte Flag of Aragon.svg Zaragoza
Ocupación Rector y mayestro

José Pardo Asso (Santa Cilia, Chacetania, 17 d'agosto de 1880[1] - Zaragoza, 28 d'agosto de 1957[2]) fue un rector, mayestro y lexicografo aragonés, autor entre atras obras d'o Nuevo diccionario etimológico aragonés[3] de 1938 que lieva o suyo nombre.

BiografíaEditar

José Pardo Asso naixió en una casa de labrador en Santa Cilia, en o Campo de Chaca (actual comarca d'a Chacetania). Estudió en o Seminario Diocesano de Chaca y fue investiu sacerdot, recibindo de primer destino a parroquia de Yesero.[2] Dimpués pasaría por rechir diferents parroquias, siempre en o seno d'a Diocesi chaquesa y a de Uesca, como Chasa, Santa Cruz d'as Serors, Santolaria de Galligo y Larrés. Finalment, exerciría o sacerdocio por os más anyos en Samianigo.[2]

En 1931, con l'advenimiento d'a II Republica espanyola, mosén Pardo pierde a suya asignación como rector de parroquia y se'n baixa ta Zaragoza, aon que estableixe una academia y residencia d'estudiants pa preparar a os chovens pa que pasasen o Bachillerato y l'acceso t'a Universidat.[2]

Amo d'una personalidat amable, estudioso y de vivo inchenio, refusó de plano a creixent intolerancia d'os suyos tiempos; mosén Pardo pasaba por alto d'as ideolochías, y mesmo fizo amistanza con uns que con atros. Fue amigo personal de l'anarquista Mariano Ascaso, de o profesor Ramón Menéndez Pidal, de o chesuita y arabista Miguel Asín Palacios y de Miguel Allué Salvador, president d'a Diputación Provincial de Zaragoza por ixas envueltas,[2] gracias a qui se publicaría buena cosa d'a suya obra.

En 1942, pasada la Guerra Civil, fue deteniu y encarcelau por as autoridatz franquistas por haber amagau a o chirmano d'un amigo a qui a policía buscaba. Pasó dos meses en o campo de concentración de Sant Chuan de Mozarrifar.[2] Morió en Zaragoza o 28 d'agosto de 1957, victima d'un cáncer de pulmón.[2]

ObrasEditar

ReferenciasEditar

  1. (es) Dentrada Pardo Asso, José en a Gran Enciclopedia Aragonesa; consultada o 7 de mayo de 2019.
  2. 2,0 2,1 2,2 2,3 2,4 2,5 2,6 (es) Articlo «Mosén José Pardo Asso» en a revista Serrablo; publicau l'1 d'aviento de 1996. Consultau o 7 de mayo de 2019
  3. (es) Información sobre a biografía de José Pardo Asso publicada por Rolde de Estudios Aragoneses. Consultada o 7 de mayo de 2019.

Se veiga tamiénEditar