Indicación Cheografica Protechida Vin d'a Tierra Ribera d'o Galligo-Cinco Villas

A Indicación Cheografica Protechida Vin d'a Tierra Ribera d'o Galligo-Cinco Villas ye una indicación cheografica protechida emplegada pa designar os vins d'a Tierra orichinarios d'a zona viticola d'o ribera d'o Galligo y Cinco Villas. Ista indicación cheográfica fue reglamentada en 2003.

Localización d'a IChP Vin d'a Tierra Ribera d'o Galligo-Cinco Villas

Orichens

I hai a-saber-las refencias a o comercio de vin que se feba en a Edat Meya entre nobles y comerciants d'a ciudat de Zaragoza y viticultors d'a redolada de Uesca. Se rechistran por ixas envueltas prohibicions a la importacions de vins foranos, encara que procedents d'o mesmo reino, en Zaragoza. Asinas en as Corz de Zaragoza de 1414 se diz que no se podrán importar vins d'atras rechions y en as succesivas Corz de Maella de 1423 se repite a mesma cuestión metendo ficacio en o contrabando de vin y creyando comisarías en Exeya d'os Caballers, Chaca y Uesca con l'obchectivo d'inspeccionar millor as mugas.

Como por fuero sia statuydo et ordenado que nenguno no osse meter vino en el regno de Aragon de qualesquiere ciudades, villas o lugares que son de fuera de la senyoria del senyor rey de Aragon dius las penas en el dito fuero contenidas.

Actas d'as Corz de Zaragoza (1413-1414)

Un atro factor de gran importancia pa la viticultura d'ista zona ha estau o paso d'o Camín de Sant Chaime, con especial protagonismo d'a Orden de Cistels, estando os suyos monches expertos en o cautivo d'a vit y a elaboración de vins.

Redolada

Ista indicación cheografica se troba en a parti nord-ueste d'as provincias de Uesca y Zaragoza, trescruzada por o río Galligo y con os Pireneus como muga natual a o norte. Iste zaguer accident cheografico condiciona os paisaches, orografía, clima y terrenos d'ista zona, que se ubica arredol d'as sierras prepirenencas, ufrindo unas condicions ideyals pa o cautivo d'a vit.

Destacar l'abundancia en tierra de cascallo, entendido como un terreno con predominio de piedras y muit buen drenache a o que s'adapta perfectament o cautivo d'a vit.

Clima

O clima d'ista zona se puet caracterizar en cheneral como mediterranio continental con bellas arias en o norte de clima de transición mediterranio-oceanico y chicotas arias amán de Zaragoza de clima seco estepario. Una caracteristica climatica particular d'ista zona ye a presencia d'un viento dito alaniés.

Demarcación cheografica

S'incluyen os siguients municipios d'as provincias de Uesca y Zaragoza: Agüero, Alcalá de Gurrea, Almudévar, Ardisa, Ayerbe, Biota, Biscarrués, Castellón de Val de Chasa, Os Corrals, Exeya d'os Caballers, Erla, Gurrea de Galligo, Lecinyena, Lobarre, Luna, Lopinyén-Ortiella, Morillo de Galligo, As Pedrosas, Perdiguera, Piedratallada, Puent de Luna, Sadaba, Sant Mateu de Galligo, Santolaria de Galligo, Sierra de Luna, A Sotonera, Taust, Uncastiello, Val Palmas, Villanueva de Galligo, Zaragoza y Zuera.

Caracteristicas

S'admiten categorías de vins blancos con grau alcolico natural minimo de 11°, rosaus con 11'5° y tintos con 12°.

Ugas

• Blancas: macabeu, garnacha blanca

• Tintas: moristel, carinyena, cabernet sauvignon, merlot, tempranillo, garnacha y syrah.

Producción y comercialización

Bodegas

I hai 9 bodegas que fan parti d'a indicación cheografica protechida:

• Bodegas Ejeanas (Exeya d'os Caballers)
• Edra (Ayerbe )
• Pegalaz (Santolaria de Galligo)
• Virgen de la Corona (Almudévar)

Vinclos externos

• (es) Asociación de Vins d'a Tierra d'Aragón.
• (es) IChP Ribera d'o Galligo-Cinco Villas

• Datos: Q7322326