Ganyarul
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Ganyarul (en castellano Gañarul) ye un lugar deshabitau situau en l'actual termin municipal d'Agón, en a comarca d'o Campo de Borcha, en a provincia de Zaragoza, Aragón.
| Ganyarul Gañarul | |
| Despoblau d'Aragón | |
 | |
| Entidat • País • Provincia • Comarca • Municipio |
Despoblau Aragón.svg){kind=small} ZaragozaCampo de Borcha Agón |
| Partiu chudicial | Tarazona |
| Población • Total |
0 hab. |
| Altaria • Meyana |
340 m. |
| Parroquial • Diocesi • Arcipestrau |
Tarazona Uecha |
| Coordenadas | |
Toponimia
editarO toponimo Ganyarul ye d'orichen desconoixiu. Ha teniu diferent nombres: Gaynnalur en 1243, Ganyallur en 1317, Gainnallur en 1429, Gaynnalur en 1562, Ganyarul dende 1562 dica l'actualidat. A sola cosa que se puede concluyir ye que bi ha habiu una metatesi d'alviolars l y r,[1] por o que a forma orichinal teneba una terminación pareixida a Gallur.
Historia
editarA primera noticia d'o puesto data d'o sieglo XIII, cuan o suyo propietario Sancho d'Antillón pleiteya con Magallón por cuestions de mugas.
Dende finals d'o sieglo XIV dica o XVIII perteneixió a la familia d'os Cerdán de Magallón. A meyaus d'o XVIII amaneixen como propietarios os Bea, que procedents de Vera de Moncayo s'asentoron en Ganyarul.[2] En 1965 feneixió sin descendencia a zaguera sinyora de Ganyarul donya Mercedes Bea. Ella donó Ganyarul a la Companyía de Chesús que manimenos no acceptó a donación. Dende alavez principia a suya decadencia y abandono.
En 1992, dimpués d'unas plevidas torrencials, un vecin de Magallón clamau Javier Pellicer trobó en a redolada lo clamau Bronce d'Agón, un texto d'a epoca de l'Imperio Romano referiu a las ordinacions en o regano entre Gallur y Mallén.
Demografía
editar
| 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2006 | 2010 | 2014 |
|---|---|---|---|---|---|---|---|---|---|---|---|---|---|
| 55 | 51 | 31 | 36 | 25 | 20 | 22 | 0 | 0 | 0 | 0 | 0 | 0 | 0 |
Puestos d'intrés
editarEncara quedan restas d'o palacio d'o sinyor antimás de una carrasca centenaria en o suyo chardín. Ista carrasca tien una altaria de 15 m, 1 metro de diametro de tronco y 3,1 metros de perimetro.[4]
Atro molimento interesant ye a ermita de Ganyarul, a on que yera enronada a reina mora de Ganyarul.
Tot o lugar ye vuedo y se troba en un proceso de ruina progresiva y inexorable.
Referencias
editar- ↑ (es) Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, p. 108.
- ↑ (es) Manuel Gracia Rivas:Diccionario Biografico de personas relacionadas con los 24 municipios del antiguo Partido Judicial de Borja, tomo I. Centro de Estudios Borjanos, ISBN 84-933153-5-4, p. 185
- ↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004, Gubierno d'Aragón, 2005, ISBN 84-7753-366-0, p.219
- ↑ (es) Campo de Borja. Red Natural de Aragón. Ed. Prames, 2009, p. 57
