Foeniculum vulgare
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Fenullo u Fenollo | ||||||||||||||||
 Fenollo floriu | ||||||||||||||||
| ||||||||||||||||
| Foeniculum vulgare Mill. | ||||||||||||||||
O fenullo u fenollo (d'o latín < FENUCULUS) (Foeniculum vulgare) ye una especie silvestre y cautivada d'a familia Apiaceae orichinaria d'o sud d'Europa y Orient Proximo. Ye un d'os condimentos tradicionals d'a cocina mediterania.
DescripciónEditar
Hierba perenne de fuellas finas y de color verda clara que plega dica 2 metros d'altaria. Floreix de verano y fa una umbela de flors amariellas y fuitos chicotz y aromaticos.
Ista planta tien usos gastronomicos, medecinals y en parfumería. Tien un gusto d'anís ya que tamién contién anetol. Ye una planta muit resistent a la sequera y que se troba en muitos puestos d'a tierra baixa.
CautivoEditar
A varietat dulcis ye un cautivo tipico d'Italia (finocchio) con as fuellas basals enreciadas que fan como un "bulbo". Se siembra dreitament de verano y se replega de primavera.
As atras variedatz son por un regular plantas silvestres. Os fruitos se gosan cullir d'agüerro y as fuellas tiernas de primavera.
GastronomiaEditar
As simients s'aprofitan en a cocina de muitos países. Se fan servir zanceras u molidas. En a zona d'o mediterranio as simients se gosan emplegar ta condimentar ciertos productos de pastelería. As simients son una especia que se fa servir como ingredient en a cocina d'Orient Proximo y tamién como ingredient d'a mezcla d'especias d'os currys d'o subcontinent indio.
As fuellas verdas y crudas se fan servir como ingredient d'ensaladas. En l'Asia d'o sudeste, (Laos, Tailandia, China) se minchan crudas como acompanyamiento de platos de pescau u carne. En a gastronomía italiana, francesa y china, as fuellas frescas sirven tamién ta parar y condimentar sopas.[1]
Os bulbos d'as variedatz de fenollo cautivadas son muit populars en a cocina d'o centro d'Europa. Se paran bullius con vinagreta, t'acompanyar platos, u bien zancers gratinaus con beixamel y cubiertos de queso u tallaus a trozos en quiche, entre muitas atras formas.
