Ermita de Sant Crapasio d'Alcubierre

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A ermita de Sant Crapasio d'Alcubierre ye una ermita situada amán d'a localidat d'Alcubierre, en a comarca de Monegros, provincia de Uesca.

Sant Crapasio d'Alcubierre
Situación cheografica
Estau
País
'
Situación	Alcubierre, Aragón
Adreza
Coordenatas
Archidiocesi
Diocesi	Uesca
Arcipestrau	Monegros
Información cheneral
Advocación	Sant Crapasio
Culto	Cristianismo
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Tipo
Estilo
Función
Catalogación
Materials
Construcción
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Sant Crapasio d'Alcubierre Sant Crapasio d'Alcubierre en Aragón

Descripción

Ye una construcción prou simpla feita de piedra d'o lugar sin treballar y mampostería. Ye situada dencima d'una roca, a la que adapta o perimetro d'os suyos muros, que son reforzaus por contrafuertes en diferents puntos.

En dentrar, por o sud, bi ha un recibidor con una cambra a cada canto, as dos con fogarils y almarios foratiaus en a roca. Dimpués de cruzar o recibidor bi ha unas escaleras a la dreita que levan enta un piso superior situau sobre o teito d'a ermita. A la ezquierda d'as escaleras, bi ha un amplo salón y, a la dreita una cambra chicota con fogaril.

A o fundo d'o recibidor s'accede propiament a la ermita, de planta rectangular y irregular debiu a o terreno, con un banco arredol y teito plan. O presbiterio ye una mica en alto respecto a la nau y deseparau d'iste por un arco trunfal de meyo punto una mica rebaixau. Dencima de l'altar d'obra bi ha dos chicoz oculos d'iluminación. Os muros laterals presentan dos grans capilletas, chunto a las que s'ubren dos mas chicotas. A decoración interior ye muit pobra.

Historia

Os orichens d'ista ermita podrían estar en o santuario d'o monesterio cisterciense d'Asteruelas, o lugar que se trobaba chunto a él y a desapareixida ermita de Sant Onofre, amán de Lecinyena.

Encara que o conchunto s'habría orichinau probablement en a Edat Meya, l'edificio actual ye muit posterior, podendo datar-se talment entre os sieglos XVIII u XIX.

En zaguerías d'a decada de 1990 l'interior d'a ermita fue esviellau por o concello d'Alcubierre.

Leyendas

Bi ha muitas leyendas sobre Sant Crapasio, pero a mas popular ye que dito santo cosiraba o bestiar en a sierra de Guara −muitos dicen que de crabas, por o suyo nombre− dica que un día decidió fer-se monche, prenió a suya gayata y la chitó tan luent como podió, arribando dica a sierra d'Alcubierre. En o puesto a on cayió a gayata surgió una fuent y en os arredols se construyió a ermita, puesto muit saludable por a suyas plantas medicinals, auguas de plevia, abundancia de selenita (cristals de cheso), aire puro en plena estepa, apaciguando y sanando o espritu por a suya calma y retiro personal.

En a redolada d'a ermita bi ha a-saberlas espelungas foratiadas en a roca que se feban serbir como eremitorios y que encara se conservan en l'actualidat. Una d'as espelungas fue utilizada como cubilar por o famoso bandido Cucaracha. Hue en día perteneixen a la Chirmandat de Chesús que, d'alcuerdo con o concello de Farlet, las arregló y enampló pa realizar una capiella como puesto d'oración. Atras espelungas tamién fuoron habilitadas como sala de reunión, despensa y cubilar pa caminants y pa o retiro espritual.

D'atra man estió un punto estratechico mientres a Guerra civil espanyola, ya que os suyos monts son plenos de trincheras.

Tradicions

Seguntes decumentos d'o monesterio de Mont Aragón, d'o que pendeba a ermita, se i fa una romería dende l'anyo 1276. A calendata d'a romería ha iu cambeando a o largo d'os sieglos, estando en os suyos orichens feita en o día de Sant Crapasio, en octubre. Dimpués se tresladó a o tercer día d'a Pascua de Resurrección y en l'actualidat se fa o zaguer sabado d'o mes d'abril.

Cuan bi ha sequera, se leva a imachen d'o santo en procesión dica Alcubierre pa demandar-le a plevia.

Cheodesia

Bi ha un vértiz cheodesico situau chunto a la ermita con una altaria de 811 metros dende o livel d'a mar. Ye o cobalto d'a sierra d'Alcubierre y d'a zona central d'a val d'Ebro y se troba en a muga entre as provincias de Uesca y Zaragoza.

Vinclos externos

• (es) Ermita de Sant Crapasio en a web d'o SIPCA

• Datos: Q54823781