Equus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Equus | ||||||||||||||||
 Equus caballus przewalskii, o caballo de Przewalski. | ||||||||||||||||
| ||||||||||||||||
| ||||||||||||||||
Equus (literalment, en latín, «equino») ye un chenero de mamiferos herbivoros en a orden Perissodactyla, lo solo chenero que existe en l'actualidat a drento d'a familia Equidae («équidos»), dimpuesas que la mes gran parte d'os taxons que yeran compresos en a dita familia taxonomica s'estinguisen en o periodo Pleistoceno.
Lo chenero Equus comprende en l'actualidat tanto las especies/subespecies* de caballos vivas (*a taxonomía d'os caballos ye a sobén cuestionata), las diferents especies de somers domesticos y salvaches, y lo grupo parafiletico que composan as ditas cebras. Tamién se i clasifican altros animals en l'actualidat extinguitos, como l'encebro (natural d'a Peninsula Iberica encara en tiempos historicos) u lo caballo tarpán. Cualcunas d'as especies se son feitas domesticas dende antigos, especialment Equus caballus (lo caballo) y Equus asinus (lo somer), y per ixo mos son datas cualques variedaz u razas de selección que no s'han d'entivocar pas con especies diferents.
La caracteristica mes prencipal d'o chenero Equus en comparanza con a resta de cheneros extinguitos d'equidae ye la persistencia d'un solo dido per piet y man a on que i refirman tot lo peso, existindo-ie en a pata rudimentos d'a resta de didos que en grupos d'equidos mes antigos encara persistiban. De regular, ixes rudimentos no son mica visibles en l'animal vivo, y se saben só que per las restas esqueleticas. Los equins tienen tamien o pelache curto y espeso que puede tener variabilidat en pendendo d'a estación de l'anyo, estando la coloración natural d'ixe pelache con rayas, anque ixa carateristica no ye visible si que en as cebras, pos queda encriptato en as altras menas de coloración en caballos y somers. De regular, a demés, totas las especies presentan crinera que les recorre lo cuello dende la clabera dica los huembros.
Tienen d'entre 36 e 42 dients, y las dients se destribuyen en multiplos d'a formula I = 3/3 (3 incisivas per barra), C = 0-1/0-1 (caninas, que puet haber-ne u no), P = 3-4/3-4 (3 u 4 premolars per barra) y M = 3/3 (siempre 3 molars per barra). As dients caninas no apareixen de normal si que en os masclos.
Especies
editar- Chenero Equus
- Subchenero Equus (caballos)
- Equus caballus - caballo domestico
- Equus ferus - caballo salvache
- Equus ferus ferus † - tarpán
- Equus ferus przewalskii - caballo de Przewalski (tamien dito Equus caballus przewalskii)
- Subchenero Asinus (somers)
- Equus africanus - Somer salvache africano
- Equus africanus africanus - Somer salvache de Nubia
- Equus africanus atlanticus † - Somer salvache de l'Atlas
- Equus africanus somalicus - Somer salvache de Somalia
- Equus africanus asinus - Somer domestico, mes a sobén dito Equus asinus.
- Equus hydruntinus † - Encebro
- Equus hemionus - Onagre u somer salvache asiatico
- Equus hemionus hemionus - Somer salvache de Mongolia
- Equus hemionus hemippus † - Somer salvache de Siria
- Equus hemionus luteus - Somer salvache d'o disierto de Gobi u «dziggetai»
- Equus hemionus kulan - Somer salvache de Turkmenistán
- Equus hemionus khur - Somer salvache d'a India
- Equus hemionus onager - Onagre de Persia
- Equus kiang - Kiang (Contemplato bellas vegatas como subespecie de Equus hemionus)
- Equus kiang kiang - Kiang occidental
- Equus kiang holdereri - Kiang oriental
- Equus kiang polyodon - Kiang meridional
- Equus kiang chu - Kiang septentrional
- Equus cumminsii † - Somer de Cummins
- Equus calobatus † - Onagre de patas luengas
- Equus tau † - Onagre pigmeu
- Equus lambei † - Somer u caballo salvache de Yukon
- Equus africanus - Somer salvache africano
- Subchenero Dolichohippus
- Equus grevyi - Zebra de Grevy
- Subchenero Hippotigris
- Equus cuagga - cebra común u cebra d'as planuras
- Equus cuagga cuagga † - Cuagga
- Equus cuagga burchellii - Zebra de Burchell
- Equus cuagga boehmi - cebra de Grant
- Equus cuagga borensis - cebra de Selous
- Equus cuagga chapmani - cebra de Chapman
- Equus cuagga crawshayi - cebra de Crawshay
- Equus zebra - cebra de montanya
- Equus zebra zebra cebra de montanya del Cabo
- Equus zebra hartmannae - cebra de montanya de Hartmann
- Equus cuagga - cebra común u cebra d'as planuras
- Subchenero Amerhippus †
- Equus scotti †
- Equus niobrarensis †
- Equus conversidens †
- Subgénro Parastylidequus †
- Equus parastylidens † - caballo de Mooser
- «incertae sedis»
- Equus simplicidens † - caballo de Hagerman (Talment mes amanato a Dolichohippus)[1]
- Equus occidentalis †
- Equus complicatus †
- Equus fraternus †
- Equus excelsus † (con dandalos que no s'ese de clasificar en o subchenero Equus)
- Grupo Equus giganteus †
- Subchenero Equus (caballos)
Se veiga tamién
editarVinclos externos
editar
Wikispecies tiene un articlo sobre Equus.
Se veigan as imáchens de Commons sobre o chenero Equus.
Referencias
editar- ↑ (en) Hagerman Fossil Beds National Monument, pachina web d'o chacimiento d'equins, consultata lo 11 de noviembre de 2009.
