Abrir menú principal
Un barzal caciega l'acceso a una selva.

Un barzal (localment tamién barzical[1]) ye una barda u matigal a on que i predominan os exemplars de barzas.

As barzas, anque muit adaptables, son matas muit nitrofilas, por o que os barzals gosan amaneixer en puestos humanizaus, u a on que se den condicions que afavoreixcan l'acumulación de compuestos de nitrochén en tierra, como pueden estar a presencia de deposicions d'animals u de fincas culturadas con fiemo u abonos quimicos en os arredols.

Anque lo feito d'estar punchudas y a prolificidat que as caracteriza fa que as barzas se suelgan considerar especies que fan pestes en l'agricultura y a chardinería, a valor gastronomica d'as moras, a suya fruita, fa que en a epoca de maturación (agosto y setiembre) os barzals ganen un intrés especial.

ReferenciasEditar

  1. (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7