Ciclismo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O ciclismo ye un esporte con quantas especialidatz, con a nota común de fer-se en una bicicleta por una presona clamata ciclista. Puet estar nomás una actividat d'ocio u fer-se como competición esportiva, con as suyas Federacions y Reglamentos. Bi ha asinas o ciclismo en rota, o ciclismo en pista, o ciclocross, o ciclismo de montanya, o ciclotorismo, etc. As competencias sobre a reglamentación d'istos esportes son d'a Unión ciclista Internacional. Antiparte, ye un esporte olimpico.

Logo olimpico d'o ciclismo.

Una imachen d'a Quebrantahuesos, a marcha ciclotoristica más important d'Aragón, en trescruzando o Somport en 2007.

ModalidatzEditar

Recorrito d'a puyata ta o mitico Alpe d'Huez en o Tour de Francia.

Ciclismo en rota. Se fa por carreteras, cercuitos u carrieras.
- Pruebas d'un día:
  - Pruebas clasicas: son carreras d'una durada d'un día, entre dos ciudatz (París-Roubaix u Lidje-Bastogne-Lidje).
  - Criteriums: carreras en cercuito, a ormino de menos de 100 km de longaria.
  - Contrareloch: carrera individual, en a que totz os ciclistas fan o mesmo recorrito, encara que en moments diferents.
  - Cronoescalata: una carrera contrareloch en montanya.
  - Contrareloch por equipos: se corre no pan individualment, sino con totz os corredors d'o mesmo equipo agrupatos.
- Pruebas de quantos días, en combinando etapas de montanya, de plana, contrarreloch, cronoescalatas, etc.
Ciclismo en pista, que se fa en una instalación especial, clamata velodromo.
- Velocidat: A competición ye por parellas, en una distancia de 1.000 metros, encara que nomás cuenta o tiempo emplegato en recorrer os zaguers 200 metros.
- Kilometro en salita parata: Prueba contrareloch individual en una distancia de 1.000 metros.
- Persecución individual: competición uno contra uno, con salita de cadagún dende un puesto diferent d'o velodromo tentando de cazar-se'n mutuament.
- Persecución por equipos: igual que l'anterior, pero en equipos de 4 corredors, estando o tercer corredor en trescruzar a meta qui dona o tiempo a o suyo equipo.
- De fondo por puntos: carrera en grupos d'una longaria de 50 km, con sprint cada 1.500 metros, con puntuación cumulativa.
- Keirin: ye una prueba d'orichen chaponés, a on arredol de 8 corredors fan un sprint lanzato.
- Scratch: prueba de 10–15 km de longaria, con 24 partecipants, a on nomás puntúa o sprint zaguer d'a carrera.
- Eliminación: semilar a la prueba por puntos, pero o zaguer corredor en cada sprint albandona a carrera, dica que nomás queda o guanyador.
Ciclocross.
Ciclismo de montanya.
Ciclotorismo.