Chunta Aragonesista

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chunta Aragonesista
Datos chenerals
Líder	Joaquín Palacín (President) Isabel Lasobras (Secretaria cheneral)
Periodo	{{{periodo}}}
Establiu	29 de chunio de 1986
Desaparición	{{{desaparición}}}
Seu	C/ Conte d'Aranda, 14-16, 1º. 50003 Zaragoza
Ideolochía	Aragonesismo, Pacifismo, Soberanismo, Humanismo, Igualitarismo, Feminismo, Social Democracia
Colors	Roya y negra
Ambito politico
Estau	{{{estau}}}
País	Aragón
Comunidat autonoma	{{{ccaa}}}
Rechión	{{{rechión}}}
Coalición de	{{{coalición}}}
Afillatura europea	Alianza Libre Europea
Afillatura internacional
Partiu politico	{{{partiu}}}
Chovenalla	Chobentú Aragonesista
Web
Web	chunta.org

Chunta Aragonesista (CHA) ye un partiu politico aragonés, que se define como aragonesista, de y defensor d'a soberania d'Aragón y os suyos historicos vecins.

Actualmén ye un d'os partius mas importans d'Aragón, anque en os zaguers anyos ye empezando a decayer, tiene representacion en a Corz d'Aragón y forma parte d'o Gubierno d'Aragón, amás de tener representación en o Parlamento Europeu.

Ideolochía y propuestas

Se consideran influyitos per as esperiencias d'o movimiento Socialdemócrata, d'os movimientos per a emancipación social y nacional, y d'as corrients ecopacifistas, feministas y humanistas. Ha estau un d'os partius que mas s'ha significato en a esfensa de l'Ebro y contra la politica de trascoles d'os gubiernos d'Espanya. Esfienden o dreito de sobiranía.

A Chunta Aragonesista ye miembro de l'Alianza Libre Europea y d'a coalición europea Europa d'os Pueblos ta o Parlamento Europeu.

O suyo ideologia a ormino ye comparada con la de o suyo chirmán de Catalunya, Esquerra Republicana de Catalunya, con o cual mantiene estreita amistat y colaboración.

Actualmén tambien defienden a existencia d'o Trilinguismo en Aragón, exichindo que os idiomas oficials sían l'Aragonés, Catalan, y Castellano.

Organización

Asamblea Nacional

L'Asamblea Nacional (congreso) ye l'organo supremo de representación y decisión d'a Chunta. Estableix as suyas linias politicas, os suyos programas y prencipios, esleye a los miembros d'a Maya de Pleitos, a los d'o Comité Nacional y a lo president de CHA. Tiene amás a potestat de modificar as ordinacions y o reglamento d'organización d'o partiu. Ye compuesta per delegatos (a lo menos uno per cada organización de comarca) y s'achunta cada tres anyos.

President

O President ye esleito per l'Asamblea Nacional d'entre los suyos integrants, meyant sufrachio directo, secreto y libre. Atros cargos executivos de CHA son a Secretaría Cheneral y, en o suyo caso, a Vicesecretaría o Vicesecretarías Chenerals. O President designa, d'entre d'os miembros d'o Consello Nacional, a lo Secretario Cheneral que deberá estar refrendau per l'Asamblea. Tamién podrá lo President designar a un u cuantos Vicesecretarios Chenerals.

Comité Nacional

O Comité Nacional ye l'organo decisorio de CHA entre Asambleas Nacionals; asume a dirección, gubierno, administración y coordinación d'o partiu. Estableix a estratechia politica seguindo as linias de l'Asamblea Nacional y apreba o presupuesto y as listas electorals. S'achunta a lo menos cinco vegadas a l'anyata. En fan parti uitanta personas esleitas per l'Asamblea en lista ubierta, o President d'o partiu y os presidents d'os Ligallos de Redolada, d'os Ligallos d'Emigración (actualment nomás que tres: Madrit, Catalunya y Valencia).

Maya de Pleitos

A Maya de Pleitos ye una mena de tribunal supremo d'interpretación d'as Ordinacions d'o partiu. Ye compuesta per siet personas. As suyas funcions son a interpretación d'as Ordinacions e d'o Reglamento d'Organización, resolver sobre as obcheccions a las solicituz d'afiliación a CHA y atras funcions de meyación, conciliación y arbitrache.

Consello Nacional

O Consello Nacional ye l'organo executivo supremo entre Comités Nacionals que endreza l'actividat d'o partiu. En son facultaz a execución d'os alcuerdos presos per a resta d'organos nacionals, a coordinación d'os de comarca, a elaboración d'o presupuesto y l'autorización d'os gastos. Ye formau per o President de CHA y deciueito consellers electos per y d'entre os miembros d'o Comité Nacional. S'achunta a lo menos una vegada a lo mes y as suyas decisions tienen carácter vinculant.

Atros organos

En zagueras cada comarca s'organiza en un Ligallo de Comarca, que funcionando en plenario se denomina Asamblea de Redolada y que o suyo organo ta prener decisions ye o Consello de Redolada. En o caso de Zaragoza, dada la cantidat de afiliaus s'ha creyato un Comité de Redolada como organo intermeyo, a imachen d'a organización nacional d'o partiu. Os organos de comarca esliyen a o President comarcal, estableixen a linia d'actuación politica que se seguirá en a comarca y elaboran as listas de candidatos d'as eleccions municipals.

Os afiliatos en un mesmo municipio s'organizan a traviés de Ligallos de Lugar, que por un regular s'estructuran en un plenario denominato Asamblea de Lugar. En o caso de Zaragoza, existe un organo rector d'ista Asamblea. Amás, tamién existen en a ciudat de Zaragoza Asambleas de Vico, que canalizan a participación en un mesmo distrito municipal y refirman o treballo d'os vocals en as Chuntas de Districto.

Historia

Logo de Chunta Aragonesista dica mayo de 2009

I "Asambleya Nazional" d'Unión Aragonesista

Chunta Aragonesista se constituye o 29 de chunio de 1986 como Unión Aragonesista-Chunta Aragonesista, y se declara hereva d'a tradición aragonesista de partius de prencipios de sieglo XX como Estado Aragonés y a propia Unión Aragonesista. Bels presidents d'o partiu han estau Eduardo Vicente de Vera, a concellera de Uesca Azuzena Lozano y o deputau en as Corz d'Aragón Bizén Fuster, y Nieves Ibeas qui ostenta actualment a Presidencia Nacional.

O partiu experimentó un espectacular ascenso electroal, paralelament a l'ascenso d'atras formacions chirmanas d'Espanya, como Esquerra Republicana de Catalunya, Eusko Alkartasuna u Tierra Comunera. Os suyos dos primers deputaus en as Cortes d'Aragón estión Chesús Yuste y Chesús Bernal. Actualment conta con cuatro deputaus en a cambra lechislativa autonomica y tres concellers en o Concello de Zaragoza. Dimpués d'as eleccions municipals d'o 25 de mayo de 2003, plegó a tener 6 concellers en o Concello de Zaragoza y bi plegó a ocupar (dimpués de pactar con o PSOE) as concellerías d'Urbanismo, Esportes, Acción Social, Educación, Choventut y Infreaestructuras y Plans Integrals.

Asinas mesmo, dende 2000 dica 2008, contó con un deputau en o Congreso d'os Deputaus: o mayestro, escritor y cantautor José Antonio Labordeta, a fegura mas conoixida d'a CHA.

Votó en 2000 contra a investidura de José María Aznar. En 2004 votó a favor d'a investidura como president d'o gubierno de José Luis Rodríguez Zapatero, anyo en o que experimentó lo suyo primer descenso urbano en as eleccions ta o Parlamento Europeu, en as que continó creixendo en o mundo rural, a tamas d'estar un partiu que tradicionalment ha cullito mas exitos en as ciudaz aragonesas. Se presentó a istas eleccions en a coalición Europa d'os Pueblos, chunto con ERC, EA, o PSA y atros partius nacionalistas y verdes.

En noviembre de 2004 fació fuera a las suyas choventuz, Chobenalla Aragonesista d'o seno d'o partiu, debito a un fuerte conflicto interno. O Comité Nacional ha dato o caracter d'organización chovenil a un nuevo prochecto amaneixito dende o Rolde (sectorial) de Choventut, denominau Chobentú - Jóvenes de CHA.

En 2005 fació campanya en contra d'a ratificación en referendum d'a Constitución Europea. As eleccions autonomicas de 2007, supusioron un fuerte retroceso electoral ta CHA, que perdeba un 44% d'o respaldo electoral y 5 escanyos en as Corz (quendando-se con 4 deputaus).

Resultatos electorals

Eleccions chenerals

Calendata	Votos provincia Uesca	%	Cadieras	Votos provincia Teruel	%	Cadieras	Votos provincia Zaragoza	%	Cadieras	Votos total Aragón	%	Cadieras
1989	875	0,75	-	203	0,24	-	2.078	0,45	-	3.156	0,48	-
1993	1.229	0,92	-	465	0,92	-	4.650	0,87	-	6.344	0,83	-
1996	4.571	3,37	-	1.691	1,84	-	43.477	7,95	-	49.739	6,42	-
2000	6.926	5,52	-	2.831	3,36	-	65.599	12,78	1	75.356	10,42	1
2004	8.629	6,41	-	4.463	5,07	-	81.160	14,54	1	94.252	12,07	1
2008	3.862	2,96	-	2.008	2,35	-	32.125	5,91	-	37.995	4,99	-
2011 a	9.820	8,18	-	6.086	7,91	-	58.749	11,46	1	74.655	10,52	1
2015	Presentó candidaturas en listas conchuntas con Unidat Popular, no obtenendo garra deputau ni senador.
2016	No se presentó a istas eleccions
2019 (I)	No se presentó a istas eleccions
2019 (II)	1.980	1,76	-	No se presentó en Teruel y Zaragoza						1.980	0,28	-

^a Resultatos d'a coalición entre a Chunta Aragonesista y Ezquierda Unida d'Aragón (IUA). A cadiera perteneixe a CHA.

Eleccions a Corz

Calendata	Votos provincia Uesca	%	Cadieras	Votos provincia Teruel	%	Cadieras	Votos provincia Zaragoza	%	Cadieras	Votos total Aragón	%	Cadieras	Candidato
1987	2.045	1,76	-	411	0,48	-	3.701	0,85	-	6.157	0,96	-
1991	3.501	3,03	-	1.372	1,65	-	9.135	2,21	-	14.008	2,29	-
1995	5.136	4,10	-	1.827	2,11	-	27.080	5,55	2	34.043	4,86	2	Chesús Bernal
1999	10.723	9,04	1	3.582	4,34	-	57.824	12,88	4	72.129	11,09	5	Chesús Bernal
2003	12.550	9,95	2	6.529	7,59	1	78.698	15,72	6	97.777	13,72	9	Chesús Bernal
2007	9.080	7,50	1	4.909	5,90	-	40.494	8,75	3	54.483	8,17	4	Chesús Bernal
2011	7.441	6,21	1	4.053	5,06	-	44.381	9,28	3	55.875	8,24	4	Nieves Ibeas
2015	3.579	3,11	-	2.575	3,43	-	24.470	5,12	2	30.624	4,59	2	José Luis Soro
2019	5.073	4,49	1	3.296	4,65	-	33.091	6,92	2	41.460	6,26	3	José Luis Soro
2023	6.119	5,45	1	1.464	1,97	-	26.580	5,49	2	34.163	5,10	3	José Luis Soro

Eleccions locals

Calendata	Votos provincia Uesca	%	Concellers	Votos provincia Teruel	%	Concellers	Votos provincia Zaragoza	%	Concellers	Votos total Aragón	%	Concellers
1987	709	0,62	-	107	0,13	-	2.356	0,53	2	3.172	0,50	2
1991	2.525	2,18	8	776	0,94	1	6.895	1,67	7	10.196	1,66	16
1995	4.701	3,74	22	1.065	1,23	2	21.882	4,47	15	27.648	3,94	39
1999	8.890	7,41	49	2.034	2,44	7	43.690	9,67	24	54.614	8,34	80
2003	11.267	8,87	89	4.222	4,87	25	73.450	14,68	82	88.939	12,46	196
2007	10.092	8,24	84	4.755	5,64	34	43.622	9,35	110	58.469	8,69	228
2011	7.254	5,98	57	3.896	4,79	25	41.993	8,72	102	53.143	7,77	184
2015	4.906	4,26	32	4.010	5,32	32	33.203	6,93	99	42.119	6,29	163
2019	2.314	2,03	30	2.038	2,72	29	6.986	1,44	89	11.193	1,66	147

Eleccions a o Parlamento Europeu

Calendata	Coalición	Votos provincia Uesca	%	Votos provincia Teruel	%	Votos provincia Zaragoza	%	Votos total Aragón	%
1987	Izquierda de los Pueblos	930	0,8	254	0,3	2.771	0,63	3.955	0,62
1989	Izquierda de los Pueblos	1.645	1,88	456	0,71	6.462	1,84	8.563	1,70
1994	No concurrió
1999	Los Verdes - Las Izquierdas de los Pueblos	6.207	5,22	2.139	2,59	36.148	8,07	44.494	6,85
2004	Europa de los Pueblos	4.100	4,79	2.271	3,84	23.149	6,87	29.520	6,13
2009	Europa de los Pueblos - Verdes	2.037	2,52	844	1,56	10.073	3,30	13.259	2.84
2014	Primavera Europea	3.107	4,09	1.574	3,29	15.944	4,75	20.625	4,49
2019	Compromiso por Europa	1.834	1,65	1.312	1,81	10.088	2,11	13.234	2,00

Vinclos externos

• (an)/(ca)/(es) Web oficial de CHA.

• Datos: Q1089640
• Multimedia: Chunta Aragonesista / Q1089640