Congreso d'os Deputaus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Congreso d'os Deputaus (Congreso de los Diputados en castellano y oficialment) ye a cambra baxa d'as Corz Chenerals, l'organo constitucional que representa a o pueblo espanyol. A Constitución Espanyola de 1978 estableixió una organización bicameral d'as Corz Chenerals (Congreso y Senau), as cuals eixerzen a potestat lechislativa de l'Estau, apreban os presupuestos, controlan l'acción d'o Gubierno y tienen atras competencias que l'atorga a Constitución.

Congreso d'os Deputaus Congreso de los Diputados
Anvista d'a frontera prencipal
Información d'o cambra baxa d'as Corz Chenerals
Establito	29 d'aviento de 1978
Churisdicción	Espanya
Seu	Palacio d'as Corz Carrera de San Jerónimo, s/n Madrit, Espanya 40°24′59″N 03°41′48″U
Presidenta	Francina Armengol Socías
Localización
Congreso d'os Deputaus Congreso d'os Deputaus en Espanya
Sitio web
congreso.es

Seguntes a Lei Organica 5/1985, de 19 de chunio, d'o Rechimen Electoral Cheneral, ye compuesto d'un minimo de 300 y un maximo de 400 deputaus, eslechitos por sufrachio universal, libre, directo y secreto, en os termins que estableixe a lei. As eleccions se celebran ordinariament cada cuatro anyos, o antis en caso d'esleicions dimpués d'una disolución anticipada d'as Cambras. Os miembros d'o Congreso d'os Deputaus s'eslichen meyant representación proporcional con listas zarradas en cada circunscripción electoral d'alcuerdo con o sistema D'Hondt.

Os deputaus d'o Congreso se trestallan en Grupos Parlamentarios, que en a practica se corresponden con os diferents partius politicos fueras d'o Grupo Mixto, que chunta a os partius que no cumplen os requisitos ta constituir Grupo Parlamentario propio. Actualment o grupo con mas deputaus ye o Partido Socialista Obrero Español con 120 y amás bi ha treze partius politicos con representación parlamentaria.

O Congreso s'achunta en o Palacio d'as Corz, trobau en a plaza d'as Corz de Madrit. A lo largo de l'anyo, o Congreso s'achunta ordinariament de setiembre a aviento y de febrero a chunio, encara que pueden estar sesions extraordinarias a lo largo de tot l'anyo.

L'actual lechislatura d'o Congreso ye a XV lechislatura y a suya presidenta ye Francina Armengol Socías dende o 17 d'agosto de 2023.

Veyer tamién

• President d'o Congreso d'os Deputaus
• Corz Chenerals
• Senau d'Espanya
• Politica d'Espanya

Vinclos externos

• Se veigan as imáchens de Commons sobre o Congreso d'os Deputaus.
• (es) Sitio web oficial d'o Congreso d'os Deputaus

• Datos: Q539149
• Multimedia: Congress of Deputies of Spain / Q539149