Chuan Baptista Escoto

Chuan Baptista Escoto
Información personal
Puesto de naixencia Flag of Aragon.svg Zaragoza Aragón)
Calendata de muerte 11 de marzo de 1747.
Puesto de muerte Timişoara (hué en Rumanía).
Ocupación Militar

Chuan Baptista Escoto estió un militar aragonés naixito de Zaragoza y muerto en Timişoara (hué en Rumanía) l'11 de marzo de 1747.

Perteneixeba a la familia d'os Escoto u Scotti d'orichen chenovés, establita en Monzón en o sieglo XVII.

Intervinió en a Guerra de Succesión Espanyola en l'exercito de l'Archiduque Carlos contra os Borbons. Dimpués d'a derrota d'os partidarios d'os Austrias en a Corona d'Aragón siguió a lo servicio d'o reino d'Austria y l'emperador Carlos VI premió os suyos servicios en 1730 con o títol de conte en Italia, con o suyo feudo hereditatio en a Tierra de Culturano.

En o siguiente decenio yera Gubernador y Capitán Cheneral de Timişoara, una ciudat a man d'a muga con l'Imperio Otomán, on morió deixando o principal d'a suya fortuna a la emperadriz María Teresa, legatos a los suyos parients d'Aragón y fundacions para dotes de doncellas pobres naixitas de Las Pauls, Castanesa y Barbaruens.