Camelus

Camello
Camelus bactrianus
Clasificación scientifica
Dominio: Eukaryota Reino: Animalia Filo: Chordata Clase: Mammalia Orden: Artiodactyla Familia: Camelidae Chenero: Camelus

Camelus en clasificación cientifica u camello ye un chenero formau por dos especies de mamifers grans de zonas aridas d'Asia y Africa que destacan por tener chepas en a lomera on acumulan substancias de reserva. A especie orichinaria d'Arabia, o dromedario (Camelus dromedarius), en tien una, y a especie d'Asia Central, o camello de Bactriana u camello (Camelus bactrianus) en tien dos.

A leit de camella, ye utilizada pa consumo humano bien per medio de inchestión directa u a suya transformación en yogurt u una mena de cuallada. Ha estau utilizada prencipalment por tribus nomadas d'os desiertos africans y en Orient Meyo prencipalment en países arabes. En l'actualidat, a industria de leit de camello ha creixiu en Australia y os Estaus Unius como una alternativa ecolochica a la producción de leit de vaca, pus o camello ye millor adaptada a las rechions aridas que la vaca, anque tien mayor coste de producción y un alto pre, per lo que o suyo consumo se produz en arias con personas con un poder adquisitivo meyo-alto.

Especies

As solas dos especies vivas d'o chenero Camelus en l'actualidad son o dromedario (Camelus dromedarius), o camello de Bactriana u camello (Camelus bactrianus).

• Camelus bactrianus, conoixiu como camello.
• Camelus dromedarius, conoixiu como dromedario.
• Camelus gigas †.
• Camelus hesternus †.
• Camelus kujalnensis †.
• Camelus sivalensis †.

O camello ha dau nombre a un recipient en aragonés, a "gamella", y de feito en o Libro d'as Marabillas d'o Mundo podemos leyer gamello (casas de cueros de gamellos, los cuales maduran y emblandescen). En aragonés tamién bi ha mencions a camellos en a literatura alchamiata. En o Libro d'el Trasoro dedican o capítol 180 a los camellos:

Camellos son en dos maneras: vnos que son en Arabia e han dos bocas desus la squina; los otros son en Berberia, que no han sino vna boca e son muy fuertes e sus pies no pueden star gastados por muyto camjnar. Los grandes camellos son por leuar muy grandes cargas. e los otros chicos, que son clamados dromedarios, son buenos pora andar quexadament luenga tierra; mas los vnos e los otros son enemjgos a los cauallos.

Bibliografía

• Vannithone S. y Davidson A., The Oxford companion to food.ISBN 0-19-211579-0
• Camels and Camel Milk. Informe d'a FAO de 1982 en o sitio web d'as Nacions Unitas.
• Wilson R. T., The camel. ISBN 0-582-77512-4

Vinclos externos

• Se veigan as imáchens de Commons sobre Camelus.
• (en) Camels: God's Gift to the Bedouin .
• (en) Livius.org: Camellos y dromedarios.

• Datos: Q7375
• Multimedia: Camelus / Q7375
• Especies: Camelus