Camín de sirga (novela)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Camín de sirga | |
|---|---|
| |
Información cheneral
| |
| Autor | Jesús Moncada |
| Chenero literario | Novela |
Versión orichinal en catalán
| |
| Títol orichinal | Camí de sirga |
| Editorial | La Magrana |
| Calendata de publicación |
1988 [1] |
| Pachinas | 362 |
| Traducción ta l'aragonés | |
| Traductor | Chusé Aragüés |
| Editorial | Gara d’Edizions |
| Ciudat | Zaragoza |
| Calendata de publicación |
2003 |
Camí de sirga (en aragonés Camín de sirga) ye a primera novela escrita por Jesús Moncada. Va estar publicada o 1988 y dimpués va tener o reconoximiento d'a critica, feito que queda demostrau con os numbrosos premios aconseguius (Joan Crexells, Ciudat de Barcelona, Fundación d'Amigos d'as Artes y Letras de Sabadell, Critica "Sierra d'Oro", Nacional d'a Critica, finalista d'o Nacional de Literatura) y as numerosas traduccions que s'han realizau dica agora.
Traduita a os idiomas alemán, anglés, aragonés, castellano, danés, esloveno, francés, gallego, hongaro, chaponés, neerlandés, portugués, rumano, sueco y vietnamita.[2]
Argumento editar
Camín de sirga narra a desaparición de l'antigo lugar de Mequinenza, a causa d'a construcción d'un entibo, a traviés d'as vivencias d'os suyos habitants convertius en personaches literarios. Con ista enchaquia Moncada afonda en a historia d'o lugar y explica episodios que se remontan a la Guerra d'o Francés, inicios d'o sieglo XIX, dica o treslau enta lo lugar nuevo en 1971, pansando por as dos Guerras Mundials que esbolligan l'actividat d'a cuenca menera, as repercusions d'a Semana trachica, a Guerra Civil u a dictadura franquista. Moncada, asinas, muestra a traviés d'o suyo chenio literario como a comunidat de Mequinenza forcha una memoria historica d'os feitos mas relevants d'a historia contemporania. Ye en iste proceso que personas d'a villa de Mequinenza acayeixen herois gracias a la plasmación literaria d'as suyas vivencias (participación en guerras, protestas sindicals), habilidatz (prodichiosos navegants a lo largo de l'Ebro) y creyencias (encarnación d'a consciencia de clase).