Chusé Aragüés

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Chusé Aragüés
Información personal
Calendata de naixencia	1955
Puesto de naixencia	Azuara
Ocupación	Editor

Chusé María Gimeno Aragüés (Azuara, Campo de Belchit, 1955), más conoixiu como Chusé Aragüés, ye un editor, lexicografo y traductor aragonés. Ye un miembro historico de l'asociación cultural Ligallo de Fablans de l'Aragonés y president de l'Asociación d'Estudios y Treballos d'a Luenga Aragonesa (ESTRELA), y ye o editor, traductor y responsable d'a elaboración de guías de montanya de PRAMES. Tamién tiene a suya propia editorial, Gara d'Edizions. Además, ye miembro fundador de l'Academia de l'Aragonés.

Ye autor d'o Dizionario Aragonés-Castellano / Castellano-Aragonés (Ligallo de Fablans de l'Aragonés, 1990) y ha traduciu bells libros ta l'aragonés, beluns d'os quals auto-editaus en a editorial d'a que ye propietario, Gara d'Edizions, como Chil: o torrero de Ham de Tolkien, O prenzipet d'Antoine de Saint-Exupéry, Réquiem por un labrador español y O crimen d'as tres fes de Ramón J. Sender u Camín de Sirga de Jesús Moncada.

Vinclos externos

• Obras de Chusé Aragüés en Dialnet.