Cabezo de la Rocha

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cabezo de la Rocha
Situación
Situación	Cantaviella, Fortanet (Teruel)
Latitut
Lonchitut
Vértiz cheodesico
Cheografía
Cordelera	Sistema Iberico
Sierra	Sierra de la Rocha de las Defesas (Serranías de Gúdar)
Macizo
Altaria	1.787 m
Alpinismo
Primera puyada
Ruta mas fácil	Dende Cantaviella
Mapa

Lo cabezo de la Rocha (u simplament La Rocha), ye una cima de 1.787 metros d'altaria situada en la sierra de la Rocha de las Defesas (Serranías de Gúdar), entre los termins municipals de Cantaviella y Fortanet (provincia de Teruel). En lo suyo cabalto bi ha un vértiz cheodesico.

Topomimia

L'oronimo cabezo de la Rocha leva un formant rocha que se documenta por toda la Peninsula Iberica pero especialment en Cuenca, provincia de Teruel y comarcas churras, que se considera como mozarabismo.^[1] S'ha quiesto interpretar como cognato de roza, substantivo postverbal de rozar, evolución de *RUPTIARE.^[2] Presenta significaus que van dende "penya", "cinglo" u "ralla" como material rocoso alto, aspro y de dificil acceso dica lo secundario de "ladera" u "costera" en Gúdar-Chabalambre y comarcas churras.

Se fa mención de La Rocha y la Rocha de las Defesas en un texto de 1414 sobre lo mollonamiento de boalaches y defesas entre los termins de Fortanet y Exorcas:

salvo la Defesa que tienen para las bestias entre el rio y el Camino de Mosqueruela y de Cantaviella asta el boalage de la Val de las Defesas segunt que de present desuso es limitado el qual tienen para sus ganados. El qual Boalage de las Defesas comiença al Mas de la Confradria y de allí recude la Foya Fferrando y de allí a la riscla somera de la Rocha de las Defesas por somo de las Malladiellas de alli a la Penya del Bermero y de allí recude a las Calçadas del Collado de la Mora et de alli recude las Saleguiellas y torna por la Rocha por la cabeçada de la riscla somera.^[3]

L'oronimo rocha de las Defesas (actualment de las Dehesas en castellano local), corresponde en lo termin municipal de Fortanet a la vertient sudueste de la sierra de la Rocha, baixo lo cabezo de la Rocha y los suyos cerros, distinguindo-se de la rocha de Pinarhueco situada a lo norueste en lo sarrau que bi ha entre Villar Luengo y Canyada de Benatanduz.

Referencias

↑ (es) María Dolores Gordón Peral: El mozárabe Rocha y sus derivados en la toponimia y las hablas vivas de la Península Ibérica. Publicau en Congrés Internacional de Toponímia i Onomàstica Catalanes (2001) pp. 511-519.
↑ (es) Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, pp 167-168.
↑ (es) Jesús J. Villarroya Zaera: Mojonación y limitación de los boalajes y dehesas en los términos de Fortanete y Jorcas. (Fortanete ... 1414). Ontejas Asociación Cultural de Fortanete nº 28, mayo 2016.

Vinclos externos

(es) Fuella de lo vértiz cheodesico.

Datos: Q65394545

[ROCHA-1] (es) María Dolores Gordón Peral: El mozárabe Rocha y sus derivados en la toponimia y las hablas vivas de la Península Ibérica. Publicau en Congrés Internacional de Toponímia i Onomàstica Catalanes (2001) pp. 511-519.

[FRAGOCAMPOBORCHA-2] (es) Juan Antonio Frago Gracia: Toponimia del Campo de Borja. Estudio lexicológico. Institución Fernando el Católico, pp 167-168.

[ONTEJAS-3] (es) Jesús J. Villarroya Zaera: Mojonación y limitación de los boalajes y dehesas en los términos de Fortanete y Jorcas. (Fortanete ... 1414). Ontejas Asociación Cultural de Fortanete nº 28, mayo 2016.

[1]

[2]

[3]