Blaps
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre os escarabachos zapaters. Ta atros usos d'a palabra «zapater» se veiga Zapater (desambigación), y ta «zapatero», Zapatero (desambigación).
| Blaps | |
|---|---|
 | |
| Denominacions populars | |
Zapatero, escarabacho zapatero, cucaracho zapatero
| |
| Clasificación cientifica | |
| Eukaryota | |
| Animalia | |
| Eumetazoa | |
Filo:
|
Arthropoda |
| Insecta | |
| Coleoptera | |
| Polyphaga | |
| Tenebrionoidea | |
| Tenebrionidae | |
| Tenebrioninae | |
| Blaptini | |
| Blaps | |
| Descripción | |
Blaps
Fabricius, 1775 | |
Os zapaters u escarabachos zapaters (cientificament Blaps -en latín-) son un chenero d'insectos coleopteros (escarabachos) en a familia d'os tenebrionidos, con alimentación detritivora.
Se caracterizan por a suya color totalment negra y brillant, a suya mida y movimientos lentos, y por tener os elitros remataus en punta de forma caracteristica. Tanto as larvas como os imagos s'alimentan de materia organica en descomposición y de fongos saprofitos, y anque consumen preferentment alimentos d'orichen vechetal si en tienen ocasión tamién aprofitan as restas animals y os productos manufacturaus por l'hombre.
Descripción
editarOs zapaters son escarabachos de color negra uniforme y exosqueleto brillant, con as patas zagueras un poquet mas largas que as atras cuatro, y con os elitros remataus en punta, devantada como si fese un poquet de volader por a coda de l'abdomen, o cual ye una caracteristica d'iste chenero.
As patas son largas y fuertes, o que causa que o cuerpo vaiga prou separau d'o suelo cuan l'insecto camina. As patas zagueras, por estar mas largas, fan que lateralment l'animal pareixca que va una mica abocau t'abant.
Son animals de movimientos lentos, y confian a suya defensa a la producción de substancias que fan fortor u que irritan as mucosas d'os posibles depredadors. Manimenos, en as especies frecuents en a Peninsula Iberica, istas substancias son cuasi imperceptibles a os sentius humans, dica o punto en o que caldría amanar-se l'insecto a la cara ta sentir-ne levement a ulor. Van dirichidas especialment contra radedors, como as ratas y os ratolichons, y atros mamiferos de taxia olfactiva con os que a sobén comparten l'habitat.
Costumbres
editarOs zapaters son escarabachos mayoritariament nocturnos. De nueiz deambulan mirando l'alimento, y s'amagan en as horas de luz en cualsiquier puesto fusco, como debaixo d'una simple piedra, una pila de lenya u l'interior d'os muebles.
Cualques especies son frecuents en entornos humanizaus, y no ye mica raro trobar-las en poblau u encara en l'interior d'as casas. En os lugars ye muit común de trobar-los en cambras como as bodegas y os repostes, a on que se fican en as horas nocturnas, atraidos por a ulor de floridura u d'alimento, y dimpuesas no en saben surtir.
Encara que en a naturaleza cosumen sobre tot materia organica d'orichen vechetal, y de feito as larvas se troban mas que mas en a madera calamonada, en os femeros y en os pudridors, os adultos (mas móbils) no desaprofitan a posibilidat d'alimentar-se tamién con productos d'orichen animal y manufacturaus por l'hombre, como queso, pan y embutius.
Imáchens
editar-
Blaps mortisaga -
Blaps mortisaga -
Blaps lusitanica -
Envista ventral.
Se veiga tamién
editarVinclos externos
editar
Wikispecies tiene un articlo sobre Blaps.
Se veigan as imáchens de Commons sobre Blaps.
