Nasturtium officinale

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre o berro (Nasturtium officinale). Ta o cochín masclo, se veiga Verro.

Berro

Mata de berro

Clasificación scientifica

Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Brasicales
Familia:	Brasicaceae
Chenero:	Nasturtium
Especie:	Nasturtium officinale

Nombre binomial

Nasturtium officinale

O berro (Nasturtium officinale) ye una planta d'a familia d'as Brasicaceae. Ye anyal, perén y forma colonias en fuents, galochas y terrenos embadinatos.

Se distribuye por Eurasia, se mincha como ensalata y se puet cautivar.

Sinonimos

Rorippa nasturtium-aquaticum
Nasturtium officinale Ait. f.
Nasturtium officinale var. siifolium (Reichenb.) W. D. J. Koch
Sisymbrium nasturtium-aquaticum L.

Propiedaz

Ye rico en yodo, fierro y vitaminas C y E.
S'emplega como estimulant y diuretico.
En medecina popular s'emplega contra a bronquitis y malautías cutanias.

Fitonimia

O fitonimo berro se considera prerromán y talment celta, relacionau con a radiz bẹrŭro. En latín se deciba NASTURTIUM porque a olor yera picanta y feba que o naso se torcese a l'inte de goler a mata. De NASTURTIUM vien a denominación en castellano de mastuerzo, que coexiste con berro. En catalán se diz créixens u morritort d'aigua y se relaciona con fitonimos que Rafael Vidaller Tricas replega en comarcas catalanoparlants d'Aragón u que i mugan (greixas, greixes, grixola, grixolera). A palabra berro plega tan ta l'este como ta Turbón.

Bi ha bel toponimos entre Teruel y Salamanca basaus en o berro como Fuente del Berro en castellano y Fuent del Berro en aragonés.

Vinclos externos

Se veigan as imáchens de Commons sobre o berro.

Datos: Q150452
Multimedia: Nasturtium officinale / Q150452
Especies: Nasturtium officinale