Venda de l'Olivar

A Venda de l'Olivar (en castellano Venta del Olivar) ye un barrio rural situau a bels 4,5 km a l'ueste de Zaragoza (Districto rural).

Venda de l'Olivar Venta del Olivar
Barrio rural de Zaragoza
Restaurant El Cachirulo
Entidat  • País  • Ciudat	Barrio rural Aragón Zaragoza
Superficie  • Total	Pos. 11 9,23 km²
Población  • Total (2018)	Pos. 10 971 hab.
Codigo postal	50071
Nº distrito	10
Parroquial • Archidiocesi • Arcipestrau • Parroquia	Zaragoza Coronación d'a Virchen Ntra. Sra. de Loreto

Incluye as urbanizacions de Sant Lamberto, El Alcorce, El Cerezal, Maitena, Torre Barajas y Valles Verdes.

Descripción

A suya actividad tradicional estió l'agricultura. En as zagueras decadas se creyoron cuantos poligonos industrials arredol d'a carretera de Logronyo.

En l'actualidat, a suya actividad economica ye muit variada: d'una man a o largo d'a Carretera de Logronyo bi ha cuantos poligonos industrials. D'atra, estendillaus por o barrio bi ha tabiernas y restaurants, colechios y una botica. Antimás, una chicota parti d'a suya población contina treballando en l'actividat agricola.

A suya población se distribuye entre as debantditas urbanizacions, un centro urbán y torres. En ista zona se diz "torre" a las parcelas que se composan de terrenos de cautivo de superficie variable y d'una casa y posiblement bels almadacens, que son centro de l'actividat agricola d'os terrenos de cautivo que fan parti d'a finca.

Actualment, seguntes o Plan Cheneral d'Ordenación Urbana de Zaragoza, a mayor parti d'o terreno de Venda de l'Olivar ye clasificau como "No Urbanizable Especial, de Regano Alto".

As fiestas patronals de Venda de l'Olivar son o 15 d'agosto en honor a la Virchen de l'Asumpción. A parroquia d'o barrio ye adedicada a Nuestra Sinyora de Loreto.

Economía

En o barrio se troban os siguients poligonos industrials:

• Poligono El Portazgo.
• Parque Empresarial Quattro (Antigua Asociación Cima) en a carretera N-232, km. 3,3.
• Parque Empresarial Montemolín en a carretera N-232, km. 3,4.
• Parque Empresarial Europa I en a carretera N-232, km. 3,7.
• Parque Empresarial Vista Bella en a carretera N-232, km. 4.
• Parque Empresarial San Valero en a carretera N-232, km. 4,8.
• Parque Empresarial El Olivar.

En 2020 s'ubre tamién en iste barrio o centro comercial de La Torre Outlet en l'antiga fabrica de Pikolin con una superficie de 61.500 metros cuadraus distribuyius en 90 botigas.

Vinclos externos

• (es) La Venta del Olivar. Turismo de Zaragoza.

• Datos: Q13050399