Bavaria bavarissima

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bavaria bavarissima (en latín Bavera bavarisma) ye o termin que se fa servir en lingüistica y dialectolochía ta referir-se a las rechions d'o espacio lingüistico austro-bavaro a on no existe un substrato lingüistico no bavaro. Ye un aria amugada por o río Lech a l'ueste, o río Traun a l'este, o río Danubio a o norte y os Alpes a o sud.

A Bavaria bavarissima en royo

Dende o punto d'anvista historico incluyiría alto u baixo as partis d'as rechions en as que s'establioron os bayoarios en os primers tiempos, ye decir arredol d'o sieglo VI. A resta de rechions que perteneixen actualment a l'aria a on se charra o bavaro tienen por razons historicas influyencias d'atras luengas vecinas. Asinas en os dialectos parlaus en Carintia, Estiria, a Baixa Austria, Burgenland y en l'Alto Palatinato bi ha influyencias eslavas. En os dialectos d'o Tirol y as zonas alpinas d'o estau de Salzburgo existen influyencias romances y en l'ueste de l'Alta Bavera y o Tirol influyencia de l'alamanico. En l'este y o sud de Austria, asinas como en l'Alto Palatinato, bi ha amás d'o substrato eslau un superstrato francón que ye especialment important en o dialecto Hianzisch de Burgenland, o dialecto carintio y o bavaro septentrional en l'Alto Palatinato, iste zaguero por trobar-se amán de Nuremberg y Franconia.

Gosan incluyir-se en a Bavaria Bavarissima as siguients rechions actuals:

Dos termins que se fan servir como antonimos en lingüistica son os de Bavaria slavica y Romania submersa.

Se veiga tamién editar