Tirol (estato)

Iste articlo tracta sobre o estato austriaco de Tirol. Ta atros emplegos se veiga Tirol (desambigación).

Tirol (en austro-baverán Tirol, Diaroi u Tiroi) ye un d'os nueu estatos d'Austria. A suya capital ye Innsbruck y atras ciudatz importants son Kitzbühel y Kufstein. Tien mugas con Alemanya, Italia, Suiza y os estatos austriacos de Vorarlberg, Salzburgo y Carintia.

Tirol
Estato d'Austria
Bandera Escudo
Mapa de situación en Austria
Entidat  • Estato  • Capital	Estato Austria Innsbruck
Gubernador	Günther Platter
Superficie  • Total	12.640 km² (3ª)
Población  • Total  • Densidat	(2017) 746.153 (5ª) 59 hab/km²
Codigo ISO	AT-7
www.tirol.gv.at

O suyo río prencipal ye l'Inn. O mont Grossglockner en a muga con Carintia ye a montanya más alta d'Austria.

Contenius

Historia

Mapa d'o Tirol con as mugas de 1888 (tota a rechion feba parti d'Austria en ixe tiempo

Dica 1918 a rechión d'o Tirol perteneixeba entregrament a o Imperio Austro-hongaro, pero dende a fin d'a Primera Guerra Mundial, con o Tractato de Saint-Germain-en-Laye, estió dividito y a rechión d'o Tirol d'o Sud pasó a mans d'Italia.

Cheografía

O estato de Tirol ye o tercer Bundesland (estato federato) mas amplo d'Austria con una superficie de 12 640,17 km². Amás, ye o estato austriaco con mayor largaria de mugas internacionals con un total de 719 km, distribuidas entre Alemanya, Italia, y en una chicota parti, Suiza.

A suya superficie ye dividida en dos rechiones no mugants (por motivos historicos): d'una man o Tirol u Tirol d'o Norte, a mayor d'as dos subrechions y d'atra Tirol de l'Este, estando a dos rechions deseparadas por Italia (Tirol d'o Sud u Provincia autonoma de Bozen) y o estato federal de Salzburgo.

División administrativa

División administrativa de Tirol (parti austriaca en gris claro y parti italiana en gris fosco).

Administrativament se divide en nueu districtos, ueito perteneixients a Tirol d'o Norte y un a Tirol de l'Este.

Tirol d'o Norte

• Landeck (Landeck)
• Reutte (Reutte)
• Imst (Imst)
• Innsbruck
• Innsbruck-Land (Innsbruck)
• Schwaz (Schwaz)
• Kufstein (Kufstein)
• Kitzbühel (Kitzbühel)

Tirol de l'Este

• Lienz (Lienz)

Prencipals ciudatz de Tirol

• Innsbruck (132.236)
• Kufstein (18.973)
• Telfs (15.582)
• Hall in Tirol (13.801)
• Schwaz (13.606)
• Wörgl (13.537)
• Lienz (11.945)
• Imst (10.371)
• St. Johann in Tirol (9.425)
• Rum (9.063)

Población: 2017