Arctodus
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Arctodus | |
|---|---|
 | |
| Dende o Plioceno dica o Pleistoceno | |
| Clasificación scientifica | |
| Eukaryota | |
| Animalia | |
Filo:
|
Chordata |
| Mammalia | |
Subclase:
|
Theria |
| Carnivora | |
Suborden:
|
Caniformia |
| Ursidae | |
Subfamilia:
|
Tremarctinae |
| Arctodus | |
| Descripción | |
Arctodus
Leidy, 1854 | |
Arctodus (Leidy, 1854) ye un chenero de mamiferos carnivoros extinctos adentro d'a familia Ursidae y a subfamilia Tremarctinae que habitón en America d'o Norte entre as zaguerías d'o Plioceno y a zaguer glaciación, a finals d'o Pleistoceno.
DescripciónEditar
Os onsos Arctodus teneban un cranio amplo y o mueso más curto que os onsos actuals, razón por a qual se les diz «onsos de cara curta». Tamién teneban as muelas carnuceras punchudas, como os canidos, os felidos y atros carnivoros, adaptadas pa trinchar a carne y no pas aplanadas y aptas pa masticar como a resta d'os ursidos. Tradicionalment se pensaba que yeran onsos de tot carnivoros, pero estudeos recients d'a suya dentadura, tanto moleculars como de microscopía, han contrimostrau que tamién consumiban vechetals muit a sobén y por ixa razón teneban acumulacions de sarro dental y mesmo dica caries,[1][2] lo qual ye caracteristico d'una inchesta elevada de polisacaridos.
O esqueleto post-cranial tamién teneba qualques diferencias con os ursidos ursins, como as patas más largas pero más finas, menos robustas,[1] lo que les daba más altura. Se piensa que esto podeba estar una adaptación a la cursa u pa caminar distancias más largas, lo qual s'ha quiesto veyer como un indicio más d'una forma de vida probablement más depredadora que atros onsos. Manimenos, como no queda garra onso de caracteristicas pareixidas, no puede saber-se de seguro. Bels autors afirman que a morfolochía de l'esqueleto post-cranial no ye compatible con o tipo atletico d'atros carnivoros depredadors d'éxito, como os canidos y os felidos, y por contra sí que tiene semellanzas con os hienidos,[3] que son por principal carnuceros.
Considerando que en o Pleistoceno d'America d'o Norte i heba una gran abundancia de grans depredadors (felidos de dients de sabre, lions, lobos grisos, lobos chigants, cuons y mesmo una subespecie chigant de yaguar, pero que no se conoix garra carnucero terrestre de mida gran (rol que chuegan as hienas en o Viello Mundo), se considera que os onsos de cara curta podeban ocupar chusto ixe nicho ecolochico y que precisament podeban aprofeitar as suyas mesuras pa practicar o cleptoparasitismo,[3] sacando-les as presas a atros depredadors.
EspeciesEditar
O chenero Arctodus conta con dos especies descritas:
- Arctodus pristinus (Leidy, 1854).
- Arctodus simus (COPE, 1897).
ReferenciasEditar
- ↑ 1,0 1,1 (en) Borja Figueirido, Juan A. Pérez-Claros, Vanessa Torregrosa, Alberto Martín-Serra, and Paul Palmqvist "Demythologizing Arctodus simus, the ‘Short-Faced’ Long-Legged and Predaceous Bear that Never Was" Journal of Vertebrate Paleontology 30(1), 262-275, (1 January 2010).
- ↑ (es) El mayor carnívoro de la Edad del Hielo, el oso de cara corta, se pasó a los vegetales para sobrevivir, consultada o 25 de noviembre de 2019.
- ↑ 3,0 3,1 (en) B. SORKIN; Ecomorphology of the giant short-faced bears Agriotherium and Arctodus, Historical Biology, March 2006; 18(1): 1–20.
Se veiga tamiénEditar
Enlaces externosEditar
Se veigan as imachens de Commons sobre Arctodus.
Wikispecies tiene un articlo sobre Arctodus.
