Nicho ecolochico

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

O nicho ecolochico ye o conchunto de circunstancias, relacions con l'ambient, conexions troficas y funcions ecolochicas que definen o paper que fa una especie d'un ecosistema.

Dos especies diferents de líquens, una de verde y un atra d'amariella con dos nichos ecolochicos diferents en una mesma penya sin variación en a composición d'a roca. Os dos nichos diferents son resultato d'as condicions d'exposición y d'humidat.

O concepto de nicho ecolochico se diferencia d'o concepto d'Habitat, que ye on on vive u habita a especie.

Quan dos especies coinciden en un nicho ecolochico se lo reparten u una desplaza a l'atra. Ye o que s'ha desvenito con as especies introdueitas, que si sobreviven pueden desplazar a las especies afins. D'esta traza o cangrillo americano ha desplazato a lo cangrillo europeu, o visón americano a lo visón europeu, l'anatido Oxyura jamaicensis desplaza a Oxyura leucocéfala, y entre os peixes zamarucos Gambusia holbrooki desplaza a lo zamaruco autoctono Valencia hispanica.

D'igual traza quan una especie desapareixe en un ecosistema o suyo nicho ye ocupato por atra que n'eixampla o suyo.

Bibliografía

• (es) Diodora Calvo Aldea, Maria Teresa Molina Álvarez, Joaquín Salvachúa Rodríguez: Ciencias de la tierra y medioambientales. 2º Bachillerato. 2010 McGrawHill.