Ursinae
Ursus arctos beringianus - Hamburg, Tierpark Hagenbeck - 2.jpg
Onso pardo (Ursus arctos)
Denominacions populars
Ursins
Rechistro fósil
Dende o Mioceno
Clasificación scientifica
Dominio:
Eukaryota
Reino:
Animalia
Filo:
Chordata
Clase:
Mammalia
Subclase:
Theria
Orden:
Carnivora
Suborden:
Caniformia
Familia:
Ursidae
Subfamilia:
Ursinae

Os ursins (scientificament Ursinae) son una subfamilia de mamiferos carnivoros en a familia Ursidae, una d'as tres subfamilias en as que se subdivide. As atras subfamilias d'ursidos son Tremarctinae y Ailuropodinae.

A mayoría d'especies d'onsos vivas en l'actualidat fan parte d'esta subfamilia, sacando unicament lo panda (Ailuropoda melanoleuca) y l'onso d'os Andes (Tremarctos ornatus). O suyo chenero tipo y tamién o más poblau d'especies ye Ursus.

ChenerosEditar

Historia evolutivaEditar

Ye probable que o primer ursino existise ya en o periodo Mioceno. L'analís chenetico ha mostrau que o linache d'os ursins actuals se deseparó d'os tremarctins poco dimpués de que o suyo antipasau común s'hese deseparau con os ailuropodins.[1]

Dimpués, probablement entre o Plioceno, o linache d'os ursins principiaría a diversificar-se a la suya vegada, dando os diferents linaches fillos que tenemos huei (y tamién os extinctos). En este sentiu i ha quantas evidencias scientificas que parlan d'una mayor proximidat entre o grupo d'os «onsos negros» que entre ixos y o chenero Ursus.[1] Asinas tenemos que os antipasaus de l'onso bezudo (Melursus ursinus) y de l'onso malayo (Helarctos malayanus) podrían haber estau os mesmos,[1] y diferents de l'antipasau d'Ursus, ya fa más de 5 millons d'anyos.

I ha problemas pa situar a o linache de l'onso negro americano (Ursus americanus) en l'árbols evolutivo d'os ursins. D'una man, l'analís de chens mitocondrials y nucleyars fa pensar que esta especie ye un taxon chirmano de l'onso malayo. De l'atra man, estudeos d'un numero más gran de marcadors d'ADN nucleyar diz que indican una proximidat mayor entre l'onso americano y l'onso tibetano (Ursus tibethanus).[1]

Ursus minimusEditar

Ursus minimus ye una especie d'ursino que viviba en Europa y Asia en o Plioceno. S'ha sinyalau que no bi ha guaire diferencia en a morfolochía dos uesos d'esta especie tan antiga y os modernos onsos tibetanos, por o que a especie moderna d'onso negro d'Asia podría estar descendient d'aquella.[2]

Tamién s'ha relacionau a esta especie con o linache evolutivo que conduciría a l'onso de Deninger y dimpués a l'onso d'as cavernas.[3] Como ixas especies teneban un antipasau común con os onsos pardos modernos (Ursus arctos), probablement Ursus etruscus, ixo podría fer tornar a especie Ursus minimus una especie d'antipasau común pa tot lo chenero Ursus.

   Ursidae   

Ailuropodinae



      

Tremarctinae




Ursinae

Melursus ursinus



Ursus

Ursus tibethanus




Ursus americanus




Ursus arctos



Ursus maritimus










ReferenciasEditar

  1. 1,0 1,1 1,2 1,3 (es) Juárez-Casillas y Varas; Genética evolutiva y molecular de la familia Ursidae: una revisión bibliográfica actualizada. Abril 2011.
  2. Search for the Golden Moon Bear: Science and Adventure in Pursuit of a New Species by Sy Montgomery published by Chelsea Green Publishing, 2009
  3. (en) Tracking the origins of the Cave Bear (Ursus spelaeus) by mitochondrial DNA sequencing; Proc. Natl. Acad. Sci. USA. Vol. 91, pp. 12336-12340, Dec. 1994.

Se veiga tamiénEditar