Meropidae
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Meropidae | |
|---|---|
.jpg) | |
| Denominacions populars | |
Meropidas, meropidos
| |
| Clasificación cientifica | |
| Eukaryota | |
| Animalia | |
Filo:
|
Chordata |
| Aves | |
| Neornithes | |
| Neognathae | |
| Coraciiformes | |
| Meropidae | |
| Descripción | |
Meropidae
Rafinesque, 1815 | |
| Distribución cheografica | |
 | |
As meropidas u meropidos (cientificament, en latín, Meropidae (Rafinesque, 1815)) son una familia d'aus voladeras d'a orden Coraciiformes, de dieta insectivora y colors de plumas muit vivas, que se conoix regularment en aragonés como «abellaruelos»[1] u «abelleros»[1], y en aragonés ribagorzano tamién[2] como abellerols[1][3]/abellarols[1].
Descripción
editarSon aus de volido rapido y áchil, con alas que rematan en punta. O cuerpo mesura entre 25 y 30 cm de largo. O plumache ye coloriu, en o cual predominan os tonos azuls y verdes, anque tamién gosan tener pintas amariellas y royiscas en partes concretas d'o cuerpo, como a capeza, huembros y papo.
O pico ye largo, de 4–6 cm, de color fusca, y lo emplegan pa encalzar y pizcar insectos en pleno volido. Tamién pueden pillar-ne directament de tierra. Consumen una ripa d'abellas, graspias, ferfetz y escarabachos, anque o suyo impacto sobre as poblacions d'abellas domesticas ye minimo y sostenible por a propia demografía d'as arnas.[4]
As patas son curtas y fuertes, y les sirven pa prender-se en una percha y pa esgarrapar os cados a on que fan niedo, en ripazos y espuendas de tierra, a buena altaria pa privar que i arriben os predadors.
Cheneros
editarA familia concabe 3 cheneros:
- Merops L., 1758.
- Meropogon Bonaparte, 1850.
- Nyctyornis Jardine & Selby, 1830.
Referencias
editar- ↑ 1,0 1,1 1,2 1,3 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
- ↑ D'alcuerdo con Arnal Purroy (2003), Diccionario del habla de la Baja Ribagorza Occidental -Huesca-, «abellerol» coexiste con a forma mas cheneral en aragonés «abellero»
- ↑ (es) ARNAL PURROY, Mª Luisa, Diccionario del habla de la Baja Ribagorza Occidental -Huesca-; Gara d'Edizions. Zaragoza, 2003. ISBN 84-8094-052-2
- ↑ (es) La apicultura y los abejarucos son compatibles, consultau o 23 de setiembre de 2018.
Vinclos externos
editar
Se veigan as imáchens de Commons sobre Meropidae.
Wikispecies tiene un articlo sobre Meropidae.
