Alaudidae

(Reendrezau dende Alaudido)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Alaudidae
Una cocullada común (Galerida cristata)
Denominacions populars
Alaudidas, alaudidos
Clasificación cientifica
Eukaryota
Animalia
Chordata
Aves
Passeriformes
Alaudidae

As alaudidas (scientificament, en latín, Alaudidae) son una familia d'aus en a orden paseriformes que comprende diferents tipos de paixaros que se conoix con diferents nombres coloquials como alodas, cuculladas y calandrias.

Descripción editar

De regular, as alaudidas son paixaros de mida chica, d'entre 10 y 23 cm de largo, con colors mimeticas en tonos marrons. A mayoría d'especies tienen en o tozuelo una cresta de plumas que debantan y acochan a voluntat, lo que las fa de buen distinguir.

Son muit capables pa volar, y habitan lo más tipicament en campo ubierto y extensions de hierba, mesmo en campos agricolas, y en zonas semi-deserticas. Son bien adaptadas a desplazar-se por tierra: tienen o dido zaguero d'as zarpetas mas robusto y tierco que atras paseriformes, millor adaptadas a la prensión contra una rama, y no lo gosan poder doblar bien. Por ixa razón s'estiman más posar-se sobre superficies amplas (como una penya, un muro, as latas d'una cleta, una toza, etc.) que alto d'un palo a modo de percha como lo fan atros paixaros.

Solen estar aus muit vivas y cantaderas, y fan cantos sonors y melodioss a mayoría d'els. As paradas nupcials son vistables, y incluyen exhibicions destacadas de volar y de cantar, de regular sobre o mesmo campo u espacio ubierto que o masclo haiga triau como territorio de reproducción. Ocasionalment se pueden barallar pa desfensar o territorio entre a temporada reproductiva. Tipicament nidifican en o suelo, entre a hierba.

Alimentación editar

As alaudidas son omnivoras y s'alimentan de simients y d'insectos, anque tamién pueden consumir atros productos vechetals como fruitos y follas. A cantidat de cada tipo d'alimento gosa depender de cada especie en particular.

Vinclos externos editar