Ziziphus jujuba
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ziziphus jujuba | |
|---|---|
 | |
| Denominacions populars | |
chincholero [1]
| |
| Estau de conservación | |
| Clasificación cientifica | |
| Eukaryota | |
| Plantae | |
| Rosales | |
| Rhamnaceae | |
| Ziziphus | |
| Z. jujuba | |
| Descripción | |
O chincholero (Ziziphus jujuba (Miller, 1768)[2]) ye una especie de planta d'a orden d'os Rosales y familia Rhamnaceae que aconsigue una altaria de 5 a 12 metros con ramas espinosas. As fuellas son de color verda brilant, ovadas y agudas, de 2 a 7 centimetros de luengo y de 1 a 3 centimetros d'amplo. As flors son chicotas, de 5 mm d'amplo, con cinco petalos de color verda amarillenca. Lo fruito ye una drupa ovalada comestible de 1,5 a 3 centimetros y se diz "chinchol" u "chincholo";[3] cuan ye inmaduro ye de color verda suau, con a consistencia y lo gusto d'una mazana con menor acidez, madurando de parda a negra vrioleta y eventualment corrucada, pareixendo un dátil chicot.
O chincholero estió domesticau en o sud d'Asia en l'anyo 9000 a. C. L'arbol tolera una ampla gama de temperaturas y plevidas, encara que requiere veranos calurosos y augua pro pa una fructificación acceptable. A diferencia d'a mayoría d'as atras especies d'o chenero, tolera hibiernos pro fredos, sobrevivindo a temperaturas de dica -15 °C, y l'arbol, per eixemplo, se cautiva comunament en Pequín. Ista ampla tolerancia permite que lo chincholero creixca en habitats montanyosos u deserticos, a tota hora que haiga acceso l'augua subterrania mientres tot o verano.
Os lugarenyos afirman que un antigo arbol de chincholero en a ciudat d'Al-Qurnah, Irak, ye l'"Arbol d'a Conoixencia" mencionau en a Biblia. L'arbol ye un puesto turistico en a ciudat.
Referencias editar
- ↑ (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p. 12
- ↑ (en) Kirkbride, Joseph H.; Wiersma, John H.; Turland, Nicholas J. (2006). "(1753) Proposal to conserve the name Ziziphus jujuba against Z. zizyphus (Rhamnaceae)". Taxon. International Association for Plant Taxonomy. 55 (4): 1049–1050.
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
Vinclos externos editar
Se veigan as imáchens de Commons sobre Ziziphus jujuba.
