Violant d'Hongría
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Violant d'Hongría | |
|---|---|
| Reina consort d'Aragón | |
 Chiganta de Barcelona de Violant d'Hongría. | |
| 1235-1251 | |
| Predecesor | Alionor de Castiella |
| Succesor | Teresa Gil de Vidaure |
| Naixencia | 1216? Esztergom (Reino d'Hongría hue Hongría) |
| Muerte | octubre de 1251 Uesca (Reino d'Aragón hue Aragón) |
| Conchuche/s | Chaime I d'Aragón |
| Descendencia | Pero Chaime Ferrando Sancho Violant Constanza María Sancha Isabel |
| Pai | Andreu II d'Hongría |
| Mai | Violant de Courtenay |
Violant d'Hongría, naixita d'Esztergom (Reino d'Hongría hue Hongría) arredol de 1216 y muerta en Uesca, (Reino d'Aragón hue Aragón), en octubre de 1251, estió reina d'Aragón entre 1235 y 1251, dimpués de casar con o rei Chaime I, de qui estió a suya segunda muller.
Yera filla d'o rei hongaro Andreu II y de Violant de Courtenay. O suyo dote significaba una alportación de diners y bells territorios que nunca no se facioron efectivos.
Impulsó de trazas decisivas a conquiesta de Valencia en 1238 y participó activament en a politica reyal, pensando sobre tot en as particions d'os territorios que dixarían como patrimonio a os fillos d'ella con Chaime I, mirando devez de malimponer o más posible a o suyo marito con Alifonso, o fillo que o rei heba tenito con a primer muller, Alionor de Castiella.
Violant y Chaime I tenioron quatre fillos y cinco fillas:
- Pero, o heredero d'o trono.
- Chaime, que sería rei de Mallorca.
- Ferrando, muerto luego.
- Sancho, que sería arcebispe de Toledo.
- Violant, que casaría con Alifonso X de Castiella.
- Constanza, que sería muller de Manuel de Portugal.
- María, que se fería relichiosa.
- Sancha, que moriría en pelegrinache ta Tierra Santa.
- Isabel, que casaría con Felipe III de Francia.
Os restos d'ella y d'una d'as fillas, Sancha, chacen en o presbiterio d'o monesterio cistercense de Santa María de Vallbona, en Catalunya.
| Predecesora: Alionor de Castiella |
Reina consort d'Aragón 1235-1251 |
Succesora: Teresa Gil de Vidaure |