The Wings of Eagles
The Wings of Eagles (títol orichinal en anglés, en aragonés As alas d'as aligas, enguerada en Aragón con o títol en castellano de Escrito bajo el sol, en aragonés Escrito baixo lo sol) ye una cinta de cine estausunidense de cine de drama biografico belico enguerada l'anyo 1957, dirichida por John Ford seguntes un guión adaptau por Frank Fenton y William Wister Haines (basau en una historia de Frank Wead sobre la vida y os escritos d'o comandant Frank W. "Spig" Wead), con una banda sonora orichinal de Jeff Alexander, una dirección de fotografía de Paul C. Vogel y una producción cinematografica de Charles Schnee ta la productora cinematografica Metro-Goldwyn-Mayer. L'elenco d'actors d'a cinta ye formau, entre d'atros, por John Wayne, Dan Dailey, Maureen O'Hara, Ward Bond, Ken Curtis, Edmund Lowe, Kenneth Tobey, James Todd, Barry Kelley, Sig Ruman, Henry O'Neill, Willis Bouchey, Tige Andrews, Louis Jean Heydt, Dorothy Jordan, Olive Carey, Charles Trowbridge y Blue Washington.
A cinta ye un homenache d'o director John Ford a lo suyo amigo lo militar y guionista Frank W. "Spig" Wead, y conta la vida d'iste dende que en rematar a Primera Guerra Mundial prencipió a convencer a la United States Navy d'a nacesidat de poseyer una aviación naval d'inportancia vinclada a la marina de guerra, misión a la que adedicaba la totalidat d'o suyo tiempo dica lo punto de no fer la atención que amenistaba la suya familia. Tanimientres, cuan ha conseguiu o suyo obchectivo y la United States Navy ya conta con una aviación naval d'importancia, padeixe un accident en a suya casa y, como consecuencia, se creba lo cuello y queda paralizau. Casualment, un companyero lo proposa como guionista ta colaborar en a industria conematografica en aportando un punto d'anvista vinclau a la marina de guerra, y obtiene exito en ista nueva faceta. En producir-se l'ataque a Pearl Harbor y dentrar os Estaus Unius en a Segunda Guerra Mundial, Frank W. "Spig" Wead torna a lo servicio activo a tamas d'o suyo estau fisico, estando un d'os participants en o desembolique d'o concepto d'o portaavions d'escolta, un tipo mas chicot de portaavions concebiu como refirme a la fuerza naval principal.
A cinta s'ambienta en cuantos puestos d'Estaus Unius y en l'oceano Pacifico mietres os anyos 1920, 1930 y 1940, y las suyas escenas se filmoron en a base naval d'a United States Navy en Pensacola (Florida) y en Washington, DC, amás d'en os Metro-Goldwyn-Mayer Studios en Culver City en California.[2]
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q1185095
